Хаах
«ᠣᠷᠤᠨ ᠰᠠᠭᠤᠴᠠᠨ ᠤ᠋ ᠬᠣᠷᠢᠶᠠᠯᠠᠯ᠂ ᠬᠣᠲᠠᠬᠠᠨ ᠳ᠋ᠤ ᠪᠠᠶᠢᠷᠢᠯᠠᠬᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶ᠋ᠢᠨ ᠰᠤᠷᠭᠠᠯᠲᠠ ᠶ᠋ᠢᠨ ᠦᠶᠢᠯᠡ ᠠᠵᠢᠯᠯᠠᠭᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠳ᠋ᠤ ᠪᠠᠷᠢᠮᠲᠠᠯᠠᠬᠤ» ᠴᠢᢉᠯᠡᠯ ᠪᠠᠲᠤᠯᠠᠭᠳᠠᠪᠠ᠃
ᠮᠣᠩᠭᠤᠯ ᠤᠯᠤᠰ ᠤ᠋ᠨ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᠒᠐᠒᠔-᠒᠐᠒᠘ ᠣᠨ ᠤ᠋ ᠦᠢᠯᠡ ᠠᠵᠢᠯᠯᠠᠭᠠᠨ ᠤ᠋ ᢈᠥᠲᠦᠯᠪᠦᠷᠢ ᠳ᠋ᠦ ᠵᠢᠭᠠᠭᠰᠠᠨ ᠪᠦᠯᠦᢉ ᠳᠦᢉᠦᠷᢉᠡᠯᠲᠡ ᠶ᠋ᠢ ᠰᠲ᠋ᠠᠨ᠋ᠳᠠᠷᠲ ᠲᠦᠪᠰᠢᠨ ᠳ᠋ᠦ ᢈᠦᠷᢈᠡᢈᠦ «ᠨᠢᢉᠡ ᠡᢉᠡᠯᠵᠢ᠂ ᠴᠥᢉᠡᠨ ᢈᠡᠦᢈᠡᠳ ᠲᠡᠢ ᠠᠩᢉᠢ»᠂ «ᢉᠡᠷ ᠲᠦ ᠣᠶᠢᠷᠠ ᠰᠤᠷᠭᠠᠭᠤᠯᠢ-ᠬᠠᠮᠤᠭ ᠤ᠋ᠨ ᠰᠠᠶᠢᠨ ᠰᠤᠷᠭᠠᠭᠤᠯᠢ» ᠠᠷᠭᠠ ᢈᠡᠮᠵᠢᠶᠡ ᠶ᠋ᠢ ᢈᠡᠷᠡᢉᠵᠢᢉᠦᠯᢈᠦ ᠳ᠋ᠦ ᠡᠨᠡ ᠴᠢᢉᠯᠡᠯ ᠢ᠋ ᠪᠠᠷᠢᠮᠲᠠᠯᠠᠬᠤ ᠶᠤᠮ᠃
ᠠᠶᠢᠮᠠᠭ᠂ ᠨᠡᠶᠢᠰᠯᠡᠯ ᠦ᠋ᠨ ᢈᠦᠮᠦᠨ ᠠᠮᠠ ᠨᠢᠭᠲᠠᠷᠠᠭᠰᠠᠨ᠂ ᠲᠥᠷᠦ ᠶ᠋ᠢᠨ ᠥᠮᠴᠢ ᠶ᠋ᠢᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠭᠤᠯᠢ ᠦᢉᠡᠢ ᠬᠣᠷᠢᠶᠠᠯᠠᠯ᠂ ᠬᠣᠲᠠᠬᠠᠨ ᠳ᠋ᠤ ᠪᠠᠭᠠ ᠠᠩᢉᠢ ᠶ᠋ᠢᠨ ᠰᠤᠷᠤᠯᠴᠠᠭᠴᠢᠳ ᠢ᠋ ᢉᠡᠷ ᠲᠦ ᠪᠡᠨ ᠣᠶᠢᠷᠠ ᠰᠤᠷᠭᠠᠭᠤᠯᠢ ᠳ᠋ᠤ᠂ ᠴᠥᢉᠡᠨ ᢈᠡᠦᢈᠡᠳ ᠲᠡᠢ ᠠᠩᢉᠢ ᠳ᠋ᠤ ᠰᠤᠷᠤᠯᠴᠠᠬᠤ ᠪᠣᠯᠤᠮᠵᠢ ᠶ᠋ᠢ ᠪᠦᠷᠢᠳᠦᢉᠦᠯᢈᠦ ᠳ᠋ᠦ ᠤᠭ ᠪᠠᠷᠢᠮᠲᠠ ᠪᠢᠴᠢᢉ ᠴᠢᢉᠯᠡᠵᠡᠢ᠃
ᠨᠡᠶᠢᠰᠯᠡᠯ ᠳ᠋ᠦ ᠒᠐᠒᠐-᠒᠐᠒᠔ ᠣᠨ ᠳ᠋ᠤ ᠔᠕ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠠᠷᠢᠯᠭᠠ ᠶ᠋ᠢ ᠰᠢᠨᠡ ᠪᠡᠷ ᠪᠠᠷᠢᠵᠤ ᠥᠷᢉᠡᠳᢈᠡᠨ᠂ ᠘ ᠪᠠᠭᠠ ᠰᠤᠷᠭᠠᠭᠤᠯᠢ᠂ ᠴᠡᠴᠡᠷᠯᠢᢉ ᠦ᠋ᠨ ᠴᠣᠭᠴᠠᠯᠠᠪᠤᠷᠢ ᠶ᠋ᠢ ᠪᠠᠷᠢᠵᠤ᠂ ᠰᠠᠭᠤᠳᠠᠯ ᠤ᠋ᠨ ᠲᠣᠭᠠ ᠒᠘᠂᠙᠓᠘- ᠪᠠᠷ ᠨᠡᠮᠡᢉᠳᠡᢉᠰᠡᠨ ᢈᠡᠳᠦᠢ ᠴᠤ ᠠᠴᠢᠶᠠᠯᠠᠯ ᠪᠠᠭᠤᠷᠠᠬᠤ ᠦᢉᠡᠢ ᠪᠠᠶᠢᠨᠠ᠃
᠒᠐᠒᠔-᠒᠐᠒᠕ ᠣᠨ ᠤ᠋ ᢈᠢᠴᠢᠶᠡᠯ ᠦ᠋ᠨ ᠵᠢᠯ ᠦ᠋ᠨ ᠰᠲ᠋ᠠᠲ᠋ᠢᠰᠲ᠋ᠢᠻ ᠮᠡᠳᠡᢉᠡ ᠪᠡᠷ ᠨᠡᠶᠢᠰᠯᠡᠯ ᠦ᠋ᠨ ᠙ ᠳᠡᢉᠦᠷᢉᠡ ᠶ᠋ᠢᠨ ᠗᠐ ᠬᠣᠷᠢᠶᠠ ᠲᠥᠷᠦ ᠶ᠋ᠢᠨ ᠪᠣᠯᠤᠨ ᠣᠷᠤᠨ ᠨᠤᠲᠤᠭ ᠤ᠋ᠨ ᠥᠮᠴᠢ ᠶ᠋ᠢᠨ ᠰᠤᠷᠭᠠᠭᠤᠯᠢ ᠦᢉᠡᠢ᠂ ᠕᠘ ᠬᠣᠷᠢᠶᠠ ᠣᠭᠲᠤ ᠰᠤᠷᠭᠠᠭᠤᠯᠢ ᠦᢉᠡᠢ ᠪᠠᠶᠢᠨᠠ᠃