Хаах
ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠫᠦ᠂ ᠨᠠᠷᠠᠨᠪᠠᠶᠠᠷ ᠤ᠋ᠨ ᠪᠦ᠂ ᠨᠠ᠂ ᢈᠢ᠂ ᠠ᠂ ᠤ᠂ ᠲᠤ ᢈᠢᢉᠰᠡᠨ ᠠᠵᠢᠯ ᠤ᠋ᠨ ᠠᠶᠢᠯᠴᠢᠯᠠᠯ ᠤ᠋ᠨ ᠦᠶᠡ ᠪᠡᠷ ᠪᠦ᠂ ᠨᠠ᠂ ᢈᠢ᠂ ᠠ᠂ ᠤ᠂ ᠤ᠋ᠨ ᠪᠣᠯᠪᠠᠰᠤᠷᠠᠯ ᠤ᠋ᠨ ᠳᠡᠳ᠋ ᠰᠠᠶᠢᠳ ᠸᠤ ᠶᠠᠩ-ᠲᠠᠢ ᢈᠢᢉᠰᠡᠨ ᠠᠯᠪᠠᠨ ᠶᠣᠰᠤᠨ ᠤ᠋ ᠠᠭᠤᠯᠵᠠᠯᠲᠠ ᠶ᠋ᠢᠨ ᠦᠶᠡ ᠪᠡᠷ ᠳᠡᠪᠰᠢᢉᠦᠯᠦᠨ ᠲᠠᠯᠪᠢᠭᠰᠠᠨ ᠠᠵᠢᠯ ᢈᠡᠷᠡᢉᠴᠢ ᠰᠠᠨᠠᠯ ᠡᢈᠢᠨ ᠡᠴᠡ ᠪᠡᠨ ᢈᠡᠷᠡᢉᠵᠢᠵᠦ ᠡᢈᠢᠯᠡᠪᠡ᠃
ᠮᠣᠩᠭᠤᠯ ᠤᠯᠤᠰ ᠲᠤ ᠰᠤᠷᠤᠯᠴᠠᠵᠤ ᠪᠤᠢ ᠪᠦ᠂ ᠨᠠ᠂ ᢈᠢ᠂ ᠠ᠂ ᠤ᠂ ᠤ᠋ᠨ ᠢᠷᢉᠡᠨ ᠣᠶᠤᠲᠠᠨ ᠨᠤᠭᠤᠳ ᠤ᠋ᠨ ᠪᠣᠯᠪᠠᠰᠤᠷᠠᠯ ᠤ᠋ᠨ ᠴᠢᠨᠠᠷ᠂ ᠰᠤᠷᠭᠠᠯᠲᠠ ᠶ᠋ᠢᠨ ᠨᠥᢈᠦᠴᠡᠯ ᠦ᠋ᠨ ᠲᠠᠯ ᠠ᠋ ᠪᠠᠷ ᠪᠦ᠂ ᠨᠠ᠂ ᢈᠢ᠂ ᠠ᠂ ᠤ᠂ ᠤ᠋ᠨ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠣᠯᠢᠯᠴᠠᠭᠠᠨ ᠤ᠋ ᠦᠶᠢᠯᠡᠴᠢᠯᠡᢉᠡᠨ ᠦ᠋ ᠲᠥᠪ (CSCSE) ᠒᠐᠒᠔ ᠣᠨ ᠤ᠋ ᠑᠑ ᠳ᠋ᠦ᠋ᢉᠡᠷ ᠰᠠᠷᠠ ᠶ᠋ᠢᠨ ᠑᠑ ᠤ᠋ ᠡᠳᠦᠷ ᠴᠢᠨᠠᠷ ᠤ᠋ᠨ ᠦᠨᠡᠯᠡᢉᠡ᠂ ᠰᠢᠯᠭᠠᠯᠲᠠ ᢈᠢᠵᠡᠢ᠃
ᠰᠢᠯᠭᠠᠯᠲᠠ ᠶ᠋ᠢᠨ ᠳ᠋ᠦᠩ ᠢ᠋ ᠦᠨᠳᠦᠰᠦᠯᠡᠨ CSCSE ᠒᠐᠒᠕ ᠣᠨ ᠤ᠋ ᠕ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠒᠑ ᠤ᠋ ᠡᠳᠦᠷ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠘ ᠶᠡᢈᠡ᠂ ᠳᠡᢉᠡᠳᠦ ᠰᠤᠷᠭᠠᠭᠤᠯᠢ ᠶ᠋ᠢ «ᢈᠡᠪ ᠦ᠋ᠨ» ᠠᠩᢉᠢᠯᠠᠯ ᠳ᠋ᠤ ᠪᠠᠭᠲᠠᠭᠠᠭᠰᠠᠨ ᠢ᠋ᠶᠠᠨ ᠠᠯᠪᠠᠨ ᠶᠣᠰᠤ ᠪᠠᠷ ᠮᠡᠳᠡᢉᠳᠡᠪᠡ᠃ ᠡᠨᠡ ᠨᠢ ᠡᠳᠡᢉᠡᠷ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠤ᠋ᠨ ᠳ᠋ᠢᠫᠯᠣᠮ ᠢ᠋ ᢈᠢᠲᠠᠳ ᠤ᠋ᠨ ᠲᠠᠯᠠ ᠠᠯᠪᠠᠨ ᠶᠣᠰᠤ ᠪᠠᠷ ᢈᠦᠯᠢᠶᠡᠨ ᠵᠥᠪᠰᠢᠶᠡᠷᠡᢈᠦ᠂ ᠣᠶᠤᠲᠠᠨ ᠨᠤᠭᠤᠳ ᠨᠢ ᠥᠪᠡᠷ ᠦ᠋ᠨ ᠤᠯᠤᠰ ᠲᠤ ᠪᠣᠯᠪᠠᠰᠤᠷᠠᠯ ᠤ᠋ᠨ ᠵᠡᠷᢉᠡ ᠦᠨᠡᠯᠡᢉᠦᠯᢈᠦ ᠳ᠋ᠦ ᠠᠰᠠᠭᠤᠳᠠᠯ ᠦᢉᠡᠢ ᠪᠣᠯᠬᠤ ᠶ᠋ᠢ ᠢᠯᠡᠳᢈᠡᠵᠦ ᠪᠠᠶᠢᠨᠠ᠃
ᠪᠦ᠂ ᠨᠠ᠂ ᢈᠢ᠂ ᠠ᠂ ᠤ᠂ ᠤ᠋ᠨ ᠲᠠᠯᠠ ᠠ᠋ᠴᠠ ᠴᠢᠨᠠᠭᠰᠢᠳᠠ ᢈᠢᠲᠠᠳ ᠣᠶᠤᠲᠠᠨ ᠨᠤᠭᠤᠳ ᠢ᠋ ᠮᠣᠩᠭᠣᠯ ᠤᠯᠤᠰ ᠲᠤ ᠰᠤᠷᠤᠯᠴᠠᠭᠤᠯᠬᠤ ᠲᠠᠢ ᠬᠣᠯᠪᠤᠭᠠᠲᠠᠢ ᠪᠠᠷ ᠳᠠᠷᠠᠭᠠᢈᠢ ᠵᠥᠪᠯᠡᠮᠵᠢ ᠨᠦ᠋ᢉᠦᠳ ᠢ᠋ ᢈᠦᠷᢈᠡᢉᠦᠯᠵᠡᠢ᠃ ᠡᢉᠦᠨ ᠳ᠋ᠦ:
᠑. ᠲᠠᠩᢈᠢᠮ ᠤ᠋ᠨ ᠰᠤᠷᠭᠠᠯᠲᠠ ᠶ᠋ᠢ ᠡᠷᢈᠢᠮᠯᠡᠨᠡ᠃
ᠣᠨ᠋ᠯᠠᠶᠢᠨ ᢈᠡᠯᠪᠡᠷᠢ ᠶ᠋ᠢᠨ ᠰᠤᠷᠭᠠᠯᠲᠠ ᠶ᠋ᠢ ᠪᠦ᠂ ᠨᠠ᠂ ᢈᠢ᠂ ᠠ᠂ ᠤ᠂ ᠤ᠋ᠨ ᠲᠠᠯᠠ ᢈᠦᠯᠢᠶᠡᠨ ᠵᠥᠪᠰᠢᠶᠡᠷᠡᢈᠦ ᠦᢉᠡᠢ ᠲᠤᠯᠠ ᢈᠢᠲᠠᠳ ᠣᠶᠤᠲᠠᠨ ᠨᠤᠭᠤᠳ ᠢ᠋ ᠵᠠᠪᠠᠯ ᠲᠠᠩᢈᠢᠮ ᠤ᠋ᠨ ᠰᠤᠷᠭᠠᠯᠲᠠ ᠳ᠋ᠤ ᠬᠠᠮᠤᠷᠤᠭᠤᠯᠬᠤ ᠱᠠᠭᠠᠷᠳᠠᠯᠭᠠᠲᠠᠢ ᠪᠠᠶᠢᠨᠠ᠃
᠒. ᠢᠲᠡᢉᠡᠮᠵᠢᠯᠡᢉᠳᠡᢉᠰᠡᠨ ᠠᢉᠧᠨ᠋ᠲ᠋ᠯᠢᠭ ᠲᠠᠢ ᠬᠠᠮᠲᠤᠷᠠᠬᠤ ᠡᠯᠰᠡᠯᠲᠡ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠᠨ ᠳ᠋ᠤ ᠣᠷᠤᠯᠴᠠᠵᠤ ᠪᠤᠢ ᠠᢉᠧᠨ᠋ᠲ᠂ ᠵᠠᠭᠤᠴᠢᠯᠠᠭᠴᠢ ᠪᠠᠶᠢᠭᠤᠯᠤᠯᠭᠠ ᠶ᠋ᠢ ᠰᠣᠩᠭᠤᠬᠤ ᠳ᠋ᠤ ᠪᠠᠨ ᢈᠢᠨᠠᠭᠤᠷ ᠬᠠᠨᠳᠤᠵᠤ᠂ ᠢᠲᠡᢉᠡᠯᠲᠡᠢ᠂ ᠪᠠᠲᠤᠯᠠᠭᠠᠲᠠᠢ ᠲᠦᠩᠰᠢ ᠨᠦ᠋ᢉᠦᠳ ᠲᠠᠢ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠶ᠋ᠢ ᠵᠥᠪᠯᠡᠵᠦ ᠪᠠᠶᠢᠨᠠ᠃
᠓. ᠨᠡᢉᠡᢉᠡᠯᠲᠡᠲᠡᠢ᠂ ᠲᠣᠳᠤᠷᠬᠠᠢ ᠮᠡᠳᠡᢉᠡᠯᠡᠯ ᠥᢉᢈᠦ
ᠶᠡᢈᠡ᠂ ᠳᠡᢉᠡᠳᠦ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠡᠯᠰᠡᠯᠲᠡ ᠶ᠋ᠢᠨ ᠲᠠᠯᠠᠭᠠᠷᢈᠢ ᠠᠯᠪᠠᠨ ᠶᠣᠰᠤᠨ ᠤ᠋ ᠮᠡᠳᠡᢉᠡᠯᠡᠯ ᠢ᠋ᠶᠡᠨ ᠲᠣᠳᠤᠷᠬᠠᠢ ᠪᠠᠶᠢᠯᠭᠠᠵᠤ᠂ ᠸᠧᠪᠰᠠᠶᠢᠲ᠂ ᠴᠠᢈᠢᠮ ᠰᠢᠤᠳᠠᠨ᠂ ᠬᠣᠯᠪᠤᠭᠠ ᠪᠠᠷᠢᠬᠤ ᠤᠲᠠᠰᠤᠨ ᠤ᠋ ᠳ᠋ᠤᠭᠠᠷ ᠢ᠋ᠶᠠᠨ ᠢᠳᠡᠪᢈᠢᠲᠡᠢ ᠠᠵᠢᠯᠯᠠᠭᠤᠯᠬᠤ ᠶᠣᠰᠤᠲᠠᠢ ᢉᠡᠵᠡᠢ᠃
ᠡᠨᠡ ᢈᠦ ᠠᠯᠬᠤᠮ ᠨᠢ ᠮᠣᠩᠭᠣᠯ ᠤ᠋ᠨ ᠳᠡᢉᠡᠳᠦ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠯᠪᠤᠷᠢ ᠶ᠋ᠢᠨ ᠣᠯᠠᠨ ᠤᠯᠤᠰ ᠤ᠋ᠨ ᠦᠨᠡᠯᠡᢉᠡ᠂ ᢈᠦᠯᠢᠶᠡᠨ ᠵᠥᠪᠰᠢᠶᠡᠷᠡᠯᠲᠡ ᠳ᠋ᠦ ᠡᠶᠡᠷᢉᠦ ᠨᠥᠯᠦᢉᠡ ᠦᠵᠡᢉᠦᠯᠵᠦ᠂ ᠬᠣᠶᠠᠷ ᠣᠷᠤᠨ ᠤ᠋ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠯᠪᠤᠷᠢ ᠶ᠋ᠢᠨ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠᠨ ᠳ᠋ᠤ ᠰᠢᠨᠡ ᠪᠣᠯᠤᠮᠵᠢ ᠨᠡᢉᠡᢉᠡᠵᠦ ᠪᠤᠢ ᠶᠤᠮ᠃