Хаах
ᠪᠣᠯᠪᠠᠰᠤᠷᠠᠯ ᠤ᠋ᠨ ᠦᠨᠡᠯᠡᢉᠡᠨ ᠦ᠋ ᠲᠥᠪ ᠡᠴᠡ ᠥᠨᠦᠳᠦᠷ ᠒᠐᠒᠕ ᠣᠨ ᠤ᠋ ᠮᠣᠩᠭᠣᠯ ᢈᠡᠯᠡ ᠪᠢᠴᠢᢉ ᠦ᠋ᠨ ᠰᠢᠯᠭᠠᠯᠲᠠ ᠶ᠋ᠢᠨ ᠳ᠋ᠦᠩ ᠣᠨᠤᠭᠠ ᠶ᠋ᠢ ᠣᠯᠠᠨ ᠨᠡᠶᠢᠲᠡ ᠳ᠋ᠦ ᠵᠠᠷᠯᠠᠯᠠ᠃
«᠒᠐᠒᠕ ᠣᠨ ᠤ᠋ ᠮᠣᠩᠭᠣᠯ ᢈᠡᠯᠡ ᠪᠢᠴᠢᢉ ᠦ᠋ᠨ ᠰᠢᠯᠭᠠᠯᠲᠠ ᠳ᠋ᠤ ᠨᠡᠶᠢᠲᠡ ᠘᠓᠓᠗᠔ ᠰᠢᠯᠭᠠᠭᠤᠯᠤᠭᠴᠢ ᠬᠠᠮᠤᠷᠤᠭᠳᠠᠯᠠ᠃ ᠥᠩᢉᠡᠷᠡᢉᠰᠡᠨ ᠵᠢᠯ ᠪᠤᠶᠤ ᠒᠐᠒᠔ ᠣᠨ ᠤ᠋ ᠬᠠᠪᠤᠷ ᠓᠓᠓᠖᠑ ᠰᠤᠷᠤᠭᠴᠢ ᠡᠨᠡ ᠰᠢᠯᠭᠠᠯᠲᠠ ᠶ᠋ᠢ ᠥᢉᠴᠦ ᠪᠠᠶᠢᠭᠰᠠᠨ ᠶᠤᠮ᠃ ᠡᠨᠡ ᠵᠢᠯ ᠦ᠋ᠨ ᠬᠤᠪᠢ ᠳ᠋ᠤ ᠑᠒ ᠳ᠋ᠤᠭᠠᠷ ᠠᠩᢉᠢ ᠶ᠋ᠢᠨ ᠰᠤᠷᠤᠭᠴᠢᠳ ᠠ᠋ᠴᠠ ᠭᠠᠳᠠᠨᠠ ᠑᠐᠂ ᠑᠑ ᠳ᠋ᠦ᠋ᢉᠡᠷ ᠠᠩᢉᠢ ᠶ᠋ᠢᠨ ᠰᠤᠷᠤᠭᠴᠢᠳ ᠮᠣᠩᠭᠣᠯ ᢈᠡᠯᠡ ᠪᠢᠴᠢᢉ ᠦ᠋ᠨ ᠰᠢᠯᠭᠠᠯᠲᠠ ᠶ᠋ᠢ ᠥᢉᢈᠦ ᠪᠣᠯᠤᠮᠵᠢ ᠲᠠᠢ ᠪᠣᠯᠤᠭᠰᠠᠨ ᠢ᠋ᠶᠠᠷ ᠢ᠋ᠶᠠᠨ ᠣᠨᠴᠠᠯᠢᠭ ᠪᠠᠶᠢᠯᠠ᠃ ᠮᠥᠨ ᠮᠣᠩᠭᠤᠯ ᢈᠡᠯᠡ ᠪᠢᠴᠢᢉ ᠦ᠋ᠨ ᠰᠢᠯᠭᠠᠯᠲᠠ ᠶ᠋ᠢᠨ ᠪᠠᠲᠤᠯᠠᠮᠵᠢ ᠬᠠᠭᠤᠳᠠᠰᠤᠨ ᠤ᠋ ᢈᠦᠴᠦᠨ ᠲᠡᠢ ᠬᠤᠭᠤᠴᠠᠭᠠᠨ ᠳ᠋ᠤ ᠥᢉᠡᠷᠡᠴᠢᠯᠡᠯᠲᠡ ᠣᠷᠤᠭᠤᠯᠵᠤ᠂ ᢈᠡᠷᠪᠡ ᠲᠡᠩᠴᠡᢉᠰᠡᠨ ᠪᠣᠯ ᠰᠢᠯᠭᠠᠯᠲᠠ ᠶ᠋ᠢᠨ ᠦᠷᠡ ᠳ᠋ᠦᠩ ᠣᠨᠤᠭᠠ ᠨᠠᠰᠤᠨ ᠲᠤᠷᠰᠢᠳᠠ ᠨᠢ ᢈᠦᠴᠦᠨ ᠲᠡᠢ ᠪᠠᠶᠢᠬᠤ ᠪᠠᠷ ᠪᠣᠯᠭᠠᠯᠠ» ᢉᠡᠵᠦ ᠪᠣᠯᠪᠠᠰᠤᠷᠠᠯ ᠤ᠋ᠨ ᠦᠨᠡᠯᠡᢉᠡᠨ ᠦ᠋ ᠲᠥᠪ ᠦ᠋ᠨ ᠵᠠᢈᠢᠷᠤᠯ ᠭ᠂ ᠭᠠᠩᠲᠤᠶᠠᠭᠠ ᠶᠠᠷᠢᠯᠠ᠃
ᠲᠤᠰ ᠲᠥᠪ ᠡᠴᠡ ᠮᠡᠳᠡᢉᠡᠯᠡᠵᠦ ᠪᠤᠢ ᠪᠠᠷ ᠰᠢᠯᠭᠠᠯᠲᠠ ᠶ᠋ᠢᠨ ᠪᠣᠰᠤᠭ᠋ ᠠ᠋ ᠣᠨᠤᠭᠠᠨ ᠤ᠋ ᠪᠣᠯᠵᠤᠯ ᠬᠠᠩᠭᠠᠭᠠ ᠦᢉᠡᠢ ᠪᠣᠯ ᠠᠷᠪᠠᠨ ᠬᠣᠶᠠᠳᠤᠭᠠᠷ ᠰᠠᠷᠠ ᠳ᠋ᠤ ᠳᠠᢈᠢᠨ ᠥᢉᢈᠦ ᠪᠣᠯᠤᠮᠵᠢ ᠲᠠᠢ᠃ ᢈᠡᠳᠦᠢ ᠪᠡᠷ ᠪᠣᠰᠤᠭᠠ ᠣᠨᠤᠭᠠᠨ ᠤ᠋ ᠪᠣᠯᠵᠤᠯ ᠬᠠᠩᠭᠠᠭᠠ ᠦᢉᠡᠢ ᠴᠤ ᠡ᠂ ᠰᠢ᠂ ᠪᠠᠨ ᠥᢉᢈᠦ ᠡᠷᢈᠡ ᠨᠢ ᠨᠡᢉᠡᢉᠡᠯᠲᠡ ᠲᠡᠢ ᢉᠡᠳᠡᢉ ᠢ᠋ ᠳᠠᢈᠢᠨ ᠰᠠᠨᠠᠭᠤᠯᠤᠯᠠ᠃
ᠬᠠᠷᠢᠨ ᠰᠢᠯᠭᠠᠯᠲᠠ ᠶ᠋ᠢᠨ ᠳ᠋ᠦᠩ ᠣᠨᠤᠭᠠ ᠲᠠᠢ ᠰᠠᠨᠠᠯ ᠨᠡᠶᠢᠯᠡᢈᠦ ᠦᢉᠡᠢ ᠪᠠᠶᠢᠭᠠ ᠪᠣᠯ ᠲᠠᠪᠤᠳᠤᠭᠠᠷ ᠰᠠᠷᠠ ᠶ᠋ᠢᠨ ᠙-᠑᠓ ᠤ᠋ ᠡᠳᠦᠷ ᠦ᠋ᠳ ᠲᠦ ᠪᠣᠯᠪᠠᠰᠤᠷᠠᠯ ᠤ᠋ᠨ ᠦᠨᠡᠯᠡᢉᠡᠨ ᠦ᠋ ᠲᠥᠪ ᠲᠦ ᠬᠠᠨᠳᠤᠨ ᠡᠷᢉᠦᠳᠡᠯ ᠭᠠᠷᠭᠠᠨ ᠥᠪᠡᠷ ᠦ᠋ᠨ ᠰᠢᠯᠭᠠᠯᠲᠠ ᠶ᠋ᠢᠨ ᠮᠠᠲ᠋ᠧᠷᠢᠶᠠᠯ ᠲᠠᠢ ᠪᠠᠨ ᠲᠠᠨᠢᠯᠴᠠᠬᠤ ᠪᠣᠯᠤᠮᠵᠢ ᠲᠠᠢ᠃
ᠡᠷᢉᠦᠳᠡᠯ ᠢ᠋ ᠰᠢ᠂ ᠤ᠂ ᠲᠸ᠂ ᠶᠡ᠂ ᠰᠤ᠂ ᠶ᠋ᠢᠨ Т ᠪᠠᠶᠢᠷᠢᠨ ᠤ᠋ ᠬᠣᠶᠠᠷ ᠳᠠᠪᠬᠤᠷ ᠤ᠋ᠨ ᠒᠐᠗ ᠲᠣᠭᠠᠲᠤ ᠲᠠᠩᢈᠢᠮ ᠳ᠋ᠤ ᠠᠵᠢᠯ ᠤ᠋ᠨ ᠴᠠᠭ ᠢ᠋ᠶᠠᠷ ᢈᠦᠯᠢᠶᠡᠨ ᠠᠪᠬᠤ ᠠᠭᠠᠳ ᠰᠢᠯᠭᠠᠯᠲᠠ ᠶ᠋ᠢᠨ ᠬᠠᠷᠢᠭᠤ ᠭᠠᠷᠤᠭᠰᠠᠨ ᠲᠠᠢ ᠬᠣᠯᠪᠤᠭᠠ ᠲᠠᠢ ᠪᠠᠷ ᠪᠢᠮᠪᠠ᠂ ᠨᠢᠮᠠ ᠭᠠᠷᠠᠭ ᠲᠤ ᠙-᠑᠘ ᠴᠠᠭ ᠲᠤ ᠠᠵᠢᠯᠯᠠᠬᠤ ᠶᠤᠮ ᠪᠠᠶᠢᠨᠠ᠃
