Хаах
«ᠡᠯᠰᠡᠯᠲᠡ ᠶ᠋ᠢᠨ ᠰᠢᠯᠭᠠᠯᠲᠠ-᠒᠐᠒᠕»- ᠢ᠋ᠨ ᠮᠠᠲ᠋ᠧᠮᠠᠲ᠋ᠢᠭ ᠤ᠋ᠨ ᢈᠢᠴᠢᠶᠡᠯ ᠦ᠋ᠨ ᠨᠡᢉᠡᢉᠡᠯᠲᠡ ᠲᠡᠢ ᠳᠠᠭᠠᠭᠠᠯᠭᠠᠪᠤᠷᠢ ᠨᠤᠭᠤᠳ ᠨᠡᠶᠢᠲᠡᠯᠡᢉᠳᠡᠯᠡ᠃ ᠡᠨᠡ ᠤᠳᠠᠭᠠ ᠶ᠋ᠢᠨ ᠡᠯᠰᠡᠯᠲᠡ ᠶ᠋ᠢᠨ ᠰᠢᠯᠭᠠᠯᠲᠠ ᠶ᠋ᠢ ᠡᠳᠡᢉᠡᠷ ᠨᠡᢉᠡᢉᠡᠯᠲᠡ ᠲᠡᠢ ᠑᠐᠐᠐ ᠳᠠᠭᠠᠭᠠᠯᠭᠠᠪᠤᠷᠢ ᠠ᠋ᠴᠠ ᠰᠣᠩᠭᠤᠨ ᠠᠪᠤᠨᠠ᠃ ᠨᠡᢉᠡᢉᠡᠯᠲᠡ ᠲᠡᠢ ᠳᠠᠭᠠᠭᠠᠯᠭᠠᠪᠤᠷᠢ ᠠ᠋ᠴᠠ ᠪᠯᠦ᠋ᠫᠷᠢᠨ᠋ᠲ ᠦ᠋ᠨ ᠳᠠᠭᠠᠭᠤ ᠰᠢᠭᠤᠳ ᠰᠣᠩᠭᠤᠵᠤ ᠪᠤᠢ ᠨᠢ ᠠᠩᠬᠠᠨ ᠤ᠋ ᠲᠣᢈᠢᠶᠠᠯᠳᠤᠯ ᠪᠥᢉᠡᠳ ᠡᠳᠡᢉᠡᠷ ᠮᠢᠩᠭᠠᠨ ᠪᠣᠳᠤᠯᠭᠠ ᠶ᠋ᠢ ᠪᠣᠳᠤᠭᠰᠠᠨ ᠪᠠᠶᠢᠬᠤ ᠳ᠋ᠤ ᠰᠤᠷᠤᠭᠴᠢᠳ ᠮᠠᠲ᠋ᠧᠮᠠᠲ᠋ᠢᠭ ᠲᠤ ᠱᠠᠭᠠᠷᠳᠠᠯᠭᠠᠲᠠᠢ ᠮᠡᠳᠡᠯᢉᠡ᠂ ᠴᠢᠳᠠᠪᠤᠷᠢ ᠪᠠᠨ ᠣᠯᠵᠤ ᠠᠪᠬᠤ ᠪᠣᠯᠤᠮᠵᠢ ᠪᠦᠷᠢᠨ ᠨᠡᢉᠡᢉᠡᢉᠳᠡᠨᠡ᠃
ᠡᠨᠡ ᠨᠢ ᠵᠥᠪᢈᠡᠨ ᠮᠠᠲ᠋ᠧᠮᠠᠲ᠋ᠢᠭ ᠤ᠋ᠨ ᢈᠢᠴᠢᠶᠡᠯ ᠳᠡᢉᠡᠷᠡ ᢈᠢᢉᠳᠡᠵᠦ ᠡᢈᠢᠯᠡᢉᠰᠡᠨ ᠪᠥᢉᠡᠳ ᠴᠢᠨᠠᠭᠰᠢᠳᠠ ᠪᠤᠰᠤᠳ ᢈᠢᠴᠢᠶᠡᠯ ᠦ᠋ᠳ ᠳᠡᢉᠡᠷᠡ ᠳᠠᠭᠠᠭᠠᠯᠭᠠᠪᠤᠷᠢ ᠶ᠋ᠢ ᠨᠡᢉᠡᢉᠡᠯᠲᠡᠲᠡᠢ ᠪᠣᠯᠭᠠᠬᠤ ᠪᠣᠯᠤᠮᠵᠢ ᠶ᠋ᠢ ᠪᠦᠷᠢᠳᠦᢉᠦᠯᢈᠦ ᠪᠡᠷ ᠠᠵᠢᠯᠯᠠᠵᠤ ᠪᠠᠶᠢᠨᠠ᠃
ᠨᠡᢉᠡᢉᠡᠯᠲᠡᠲᠡᠢ ᠳᠠᠭᠠᠭᠠᠯᠭᠠᠪᠤᠷᠢ ᠶ᠋ᠢᠨ ᠰᠢᠰᠲ᠋ᠧᠮ ᠦ᠋ᠨ ᠰᠢᠨᠡ ᠬᠤᠪᠢᠯᠪᠤᠷᠢ ᠶ᠋ᠢ ᠪᠣᠯᠪᠠᠰᠤᠷᠠᠭᠤᠯᠤᠨ ᠨᠡᠪᠲᠡᠷᠡᢉᠦᠯᠵᠦ ᠡᢈᠢᠯᠡᠯᠡ᠃ ᠢᠩᢉᠢᢉᠰᠡᠨ ᠢ᠋ᠶᠡᠷ ᠳᠠᠭᠠᠭᠠᠯᠭᠠᠪᠤᠷᠢ ᠪᠣᠯᠪᠠᠰᠤᠷᠠᠭᠤᠯᠬᠤ ᠠᠵᠢᠯ ᠣᠯᠠᠨ ᠨᠡᠶᠢᠲᠡ ᠳ᠋ᠦ ᠨᠡᢉᠡᢉᠡᠯᠲᠡᠲᠡᠢ ᠪᠣᠯᠵᠤ᠂ ᠱᠠᠭᠠᠷᠳᠠᠯᠭᠠ ᠬᠠᠩᠭᠠᠭᠰᠠᠨ ᠲᠣᢈᠢᠶᠠᠯᠳᠤᠯ ᠳ᠋ᠤ ᢈᠡᠨ ᠡᠴᠡ ᠴᠤ ᠳᠠᠭᠠᠭᠠᠯᠭᠠᠪᠤᠷᠢ ᠶ᠋ᠢ ᢈᠦᠯᠢᠶᠡᠨ ᠠᠪᠬᠤ ᠪᠣᠯᠤᠮᠵᠢ ᠨᠡᢉᠡᢉᠡᢉᠳᠡᠵᠦ ᠪᠠᠶᠢᠨᠠ᠃ ᠡᠮᠦᠨᠡ ᠨᠢ ᠳᠠᠭᠠᠭᠠᠯᠭᠠᠪᠤᠷᠢ ᠪᠣᠯᠪᠠᠰᠤᠷᠠᠭᠤᠯᠬᠤ ᠳ᠋ᠤ ᠪᠠᠨ ᠴᠥᢉᠡᠨ ᠲᠣᠭᠠᠨ ᠤ᠋ ᠪᠠᠭᠰᠢ ᠨᠠᠷ ᠢ᠋ ᠰᠣᠩᠭᠤᠨ ᠸᠠᠻᠦ᠋ᠮᠵᠢᠭᠤᠯᠵᠤ ᠠᠵᠢᠯᠯᠠᠳᠠᠭ ᠪᠠᠶᠢᠭᠰᠠᠨ ᠢ᠋ ᠡᠶᠢᠨ ᢈᠦ ᠥᢉᠡᠷᠡᠴᠢᠯᠡᠯᠡ᠃ ᠱᠠᠭᠠᠷᠳᠠᠯᠭᠠ ᠬᠠᠩᠭᠠᠭᠰᠠᠨ ᠳᠠᠭᠠᠭᠠᠯᠭᠠᠪᠤᠷᠢ ᠨᠤᠭᠤᠳ ᠢ᠋ ᠮᠡᠳᠡᢉᠡᠯᠡᠯ ᠳᠠᠮᠵᠢᠭᠤᠯᠬᠤ ᠲᠧᠻᠨᠣᠯᠣᢉᠢ ᠶ᠋ᠢᠨ ᠰᠢᠨᠡ ᠰᠢᠢᠳᠦᠯ ᠦ᠋ᠨ ᠳᠠᠭᠠᠭᠤ ᠰᠤᠷᠭᠠᠯᠲᠠ ᠶ᠋ᠢᠨ ᠪᠠᠶᠢᠭᠤᠯᠤᠯᠭᠠ ᠪᠣᠯᠤᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠤᠳᠤᠷᠢᠳᠤᠯᠭᠠ ᠶ᠋ᠢᠨ ᠰᠢᠰᠲ᠋ᠧᠮ ᠳ᠋ᠦ ᠨᠡᠶᠢᠲᠡᠯᠡᠨᠡ᠃