Хаах
ᠬᠤᠷᠠᠯᠳᠤᠭᠠᠨ ᠢ᠋ᠶᠠᠷ ᠲᠥᠰᠦᠯ ᠦ᠋ᠨ ᠵᠥᠪᠯᠡᢈᠦ «ᠠᠽᠢᠶᠠ ᠰᠶᠢᠳ᠋» ᠪᠠᠶᠢᠭᠤᠯᠤᠯᠭᠠ ᠠ᠋ᠴᠠ ᢈᠡᠷᠡᢉᠵᠢᢉᠦᠯᠵᠦ ᠪᠤᠢ ᠪᠠᠭᠰᠢ᠂ ᠰᠤᠳᠤᠯᠤᠭᠠᠴᠢᠳ ᠤ᠋ᠨ ᠴᠢᠳᠠᠪᢈᠢ ᠶ᠋ᠢ ᠳᠡᢉᠡᢉᠰᠢᠯᠡᢉᠦᠯᢈᠦ᠂ ᠶᠠᠫᠣᠨ᠋ ᠤᠯᠤᠰ ᠤ᠋ᠨ ᠶᠡᢈᠡ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠲᠠᠢ ᠬᠠᠮᠲᠤᠷᠠᠭᠰᠠᠨ ᠰᠤᠳᠤᠯᠭᠠᠨ ᠤ᠋ ᠠᠵᠢᠯ ᠤ᠋ᠨ ᠶᠠᠪᠤᠴᠠ᠂ ᠦᠷᠡ ᠳ᠋ᠦᠩ ᠦ᠋ᠨ ᠲᠠᠶᠢᠯᠤᠨ ᠢ᠋ ᠲᠠᠨᠢᠯᠴᠠᠭᠤᠯᠤᠯᠠ᠃
ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠶᠡᢈᠡ ᠰᠤᠷᠭᠠᠭᠤᠯᠢ᠂ ᠰᠢ᠂ ᠤ᠂ ᠲᠸ᠂ ᠶᠡ᠂ ᠰᠤ᠂ ᢈᠦ᠂ ᠠ᠂ ᠠ᠂ ᠶᠡ᠂ ᠰᠤ᠂ ᠢ᠋ᠢᠨ ᠒᠖ ᠬᠠᠮᠲᠤᠷᠠᠭᠰᠠᠨ ᠰᠤᠳᠤᠯᠭᠠᠨ ᠤ᠋ ᠪᠠᠭ ᠶᠠᠫᠣᠨ ᠤ᠋ ᠖᠐ ᠭᠠᠷᠤᠢ ᠶᠡᢈᠡ ᠰᠤᠷᠭᠠᠭᠤᠯᠢ᠂ ᠰᠤᠳᠤᠯᠭᠠᠨ ᠤ᠋ ᢈᠦᠷᠢᠶᠡᠯᠡᠩ ᠲᠡᠢ ᠬᠠᠮᠲᠤᠷᠠᠨ ᠠᠵᠢᠯᠯᠠᠵᠤ᠂ ᠳᠠᠷᠠᠭᠠᢈᠢ ᠦᠷᠡ ᠳ᠋ᠦᠩ ᠢ᠋ ᠭᠠᠷᠭᠠᠭᠰᠠᠨ ᠪᠠᠶᠢᠨᠠ:
• ᠓᠖᠖ ᠡᠷᠳᠡᠮ ᠰᠢᠨᠵᠢᠯᠡᢉᠡᠨ ᠦ᠋ ᠥᢉᠦᠯᠡᠯ ᠣᠯᠠᠨ ᠤᠯᠤᠰ ᠤ᠋ᠨ ᠰᠡᠳᢈᠦᠯ ᠳ᠋ᠦ ᢈᠡᠪᠯᠡᢉᠳᠡᢉᠰᠡᠨ
• ᠓᠔ ᠫᠠᠲ᠋ᠧᠨ᠋ᠲ᠂ ᠠᠰᠢᠭᠲᠠᠢ ᠵᠠᠭᠪᠤᠷ ᠤ᠋ᠨ ᢉᠡᠷᠡᠴᠢᠯᠡᢉᠡ ᠠᠪᠤᠭᠰᠠᠨ
• ᠖ ᠭᠠᠷᠤᠭᠠᠨ ᠤ᠋ ᠻᠣᠮᠫᠠᠨᠢ ᠪᠠᠶᠢᠭᠤᠯᠤᠭᠰᠠᠨ
• ᠶᠠᠫᠤᠨ ᠤ᠋ ᠰᠢᠨᠵᠢᠯᠡᢈᠦ ᠤᠬᠠᠭᠠᠨ ᠤ᠋ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠤ᠋ᠨ (SATREPS᠂ ᠰᠠᠻᠦ᠋ᠷᠠ ᠰᠠᠶᠶ᠋ᠡᠨ᠋ᠰ ᢉᠡᢈᠦ ᠮᠡᠲᠦ) ᢉᠷᠠᠨ᠋ᠲ ᠲᠤ ᠰᠢᠯᠭᠠᠷᠠᠭᠰᠠᠨ ᠲᠣᠭᠠ ᠨᠡᠮᠡᢉᠳᠡᠵᠡᠢ᠃
ᠮᠥᠨ ᠭᠤᠷᠪᠠᠨ ᠶᠡᢈᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠯᠠᠪᠣᠷᠠᠲ᠋ᠣᠷᠢ ᠨᠤᠭᠤᠳ ᠲᠤ ᠨᠡᠶᠢᠲᠡ ᠑᠖᠂᠙ ᠰᠠᠶ᠋ᠢ ᠠᠮ᠂ ᠳ᠋ᠣᠯᠯᠠᠷ ᠤ᠋ᠨ ᠦᠨᠡ ᠪᠦᢈᠦᠢ ᠓᠖᠒᠙ ᠰᠢᠷᢈᠡᢉ ᠲᠣᠨᠤᠭ ᠲᠥᢈᠦᢉᠡᠷᠦᠮᠵᠢ ᠨᠡᠶᠢᠯᠡᢉᠦᠯᠵᠡᠢ᠃ ᠡᢉᠦᠨ ᠢ᠋ ᠦᠷᠡ ᠳ᠋ᠦᠩᠲᠡᠢ ᠠᠰᠢᠭᠯᠠᠬᠤ ᠶ᠋ᠢᠨ ᠲᠤᠯᠠᠳᠠ ᠲᠧᠻᠨᠢᢉᠴᠢ᠂ ᠯᠠᠪᠣᠷᠠᠨ᠋ᠲ ᠪᠡᠯᠡᠳᢈᠡᢈᠦ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠠᠶᠢᠭᠠ ᠶ᠋ᠢ ᢈᠡᠯᠡᠯᠴᠡᢉᠰᠡᠨ᠃
ᠵᠠᠷᠢᠮ ᠯᠠᠪᠤᠷᠠᠲ᠋ᠤᠷᠢ ᠨᠤᠭᠤᠳ ᠶᠠᠫᠤᠨ ᠤ᠋ ᠵᠢᠱᠢᢉ ᠢ᠋ᠶᠡᠷ ᠮᠧᠨᠧᠵᠮᠧᠨ᠋ᠲ ᠢ᠋ᠶᠡᠨ ᠰᠠᠶᠢᠵᠢᠷᠠᠭᠤᠯᠵᠤ᠂ ᠰᠤᠷᠭᠠᠯᠲᠠ-ᠰᠤᠳᠤᠯᠭᠠ ᠬᠣᠣᠰᠯᠠᠭᠰᠠᠨ ᠯᠠᠪᠤᠷᠠᠲ᠋ᠤᠷᠢ ᠳ᠋ᠤ ᠰᠠᠭᠤᠷᠢᠯᠠᠭᠰᠠᠨ ᠰᠤᠷᠭᠠᠯᠲᠠ ᠶ᠋ᠢ (LBE) ᢈᠡᠷᠡᢉᠵᠢᢉᠦᠯᠵᠦ ᠡᢈᠢᠯᠡᠵᠡᠢ᠃ ᠡᢉᠦᠨ ᠦ᠋ ᢈᠦᠷᠢᠶᠡᠨ ᠳ᠋ᠦ ᠶᠠᠫᠣᠨ᠋ ᠤ᠋ ᠶᠠᠮᠠᠭᠠᠲ᠋ᠠ᠂ ᠠᠻᠢᠲ᠋ᠠ᠂ ᠬᠣᠻᠻᠠᠶᠢᠳᠣ᠋ ᠶ᠋ᠢᠨ ᠶᠡᢈᠡ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠲᠠᠢ ᠬᠠᠮᠲᠤᠷᠠᠭᠰᠠᠨ ᠠᢈᠢᠭᠰᠠᠨ ᠲᠦᠪᠰᠢᠨ ᠦ᠋ ᢈᠥᠲᠦᠯᠪᠦᠷᠢ ᠨᠦ᠋ᢉᠦᠳ ᠢ᠋ ᢈᠡᠯᠡᠯᠴᠡᠵᠦ ᠪᠠᠶᠢᠨᠠ᠃
