ᠪᠣᠯᠪᠠᠰᠤᠷᠠᠯ ᠤ᠋ᠨ ᠶᠠᠮᠤᠨ᠂ GIZ ᠤ᠋ᠨ «ᠲᠦᠩᠰᠢᠯᠡᠯ ᠳ᠋ᠦ ᠰᠠᠭᠤᠷᠢᠯᠠᠭᠰᠠᠨ ᠲᠧᠻᠨᠢᢉ ᠦ᠋ᠨ ᠪᠣᠯᠤᠨ ᠮᠡᠷᢉᠡᠵᠢᠯ ᠦ᠋ᠨ ᠪᠣᠯᠪᠠᠰᠤᠷᠠᠯ᠂ ᠰᠤᠷᠭᠠᠯᠲᠠ II» ᠲᠥᠰᠦᠯ᠂ ᠲᠷᠠᠨ᠋ᠰᠸᠧᠰᠲ ᠮᠣᠩᠭᠣᠯᠢᠶᠠ ᠬᠠ᠂ ᠬᠤ᠂ ᠻᠤ᠂ ᠰᠠᠨ᠋ᠳ᠋ᠸᠢᠻ ᠮᠣᠩᠭᠣᠯᠢᠶᠠ ᠬᠠ᠂ ᠬᠤ᠂ ᠻᠤ᠂ ᠮ᠂ ᠰ᠂ ᠮ᠂ ᢉᠷᠦᠫ ᠬᠠ᠂ ᠬᠤ᠂ ᠻᠤ᠂ ᠨᠤᠭᠤᠳ ᠬᠠᠮᠲᠤᠷᠠᠨ ᠰᠢ᠂ ᠤ᠂ ᠲᠸ᠂ ᠶᠡ᠂ ᠰᠤ᠂ ᠶ᠋ᠢᠨ ᠬᠠᠷᠢᠶᠠ ᠡᠮᠦᠨᠡᠭᠣᠪᠢ ᠠᠶᠢᠮᠠᠭ ᠳᠠᢈᠢ ᠫᠣᠯᠢᠲ᠋ᠧᢉᠨᠢᢉ ᠻᠣᠯᠯᠧᠵᠢ᠂ ᠨᠠᠯᠠᠶᠢᠬᠤ ᠳᠡᢉᠦᠷᢉᠡ ᠳ᠋ᠡᢈᠢ ᠫᠣᠯᠢᠲ᠋ᠧᢉᠨᠢᢉ ᠻᠣᠯᠯᠧᠵᠢ ᠨᠤᠭᠤᠳ ᠲᠤ «ᢈᠦᠨᠳᠦ ᠮᠠᠱᠢᠨ᠋ ᠮᠧᠬᠠᠨᠢᠰᠮ ᠤ᠋ᠨ ᠰᠠᠯᠪᠤᠷᠢ ᠳ᠋ᠤ ᠵᠧᠨ᠋ᠳᠧᠷ ᠦ᠋ᠨ ᠮᠡᠳᠡᠷᠡᠮᠵᠢᠲᠡᠢ ᠬᠣᠣᠰᠮᠠᠭ ᠰᠤᠷᠭᠠᠯᠲᠠ ᠶ᠋ᠢ ᠨᠡᠪᠲᠡᠷᠡᢉᠦᠯᠦᢉᠰᠡᠨ ᠢ᠋ᠶᠡᠷ ᠡᠮᠡᢉᠲᠡᠢᠢᠴᠦᠳ ᠦ᠋ᠨ ᠣᠷᠤᠯᠴᠠᠭᠠ ᠶ᠋ᠢ ᠨᠡᠮᠡᢉᠳᠡᢉᠦᠯᢈᠦ ᠨᠢ» ᠲᠥᠰᠦᠯ ᠢ᠋ ᢈᠡᠷᠡᢉᠵᠢᢉᠦᠯᢈᠦ ᠬᠠᠷᠢᠯᠴᠠᠨ ᠣᠶᠢᠯᠠᠭᠠᠯᠴᠠᠯ ᠤ᠋ᠨ ᠰᠠᠨᠠᠮᠵᠢ ᠪᠢᠴᠢᢉ ᠲᠦ ᠭᠠᠷ ᠤ᠋ᠨ ᠦᠰᠦᢉ ᠵᠢᠷᠤᠯᠠ᠃
ᠲᠥᠰᠦᠯ ᢈᠡᠷᠡᢉᠵᠢᢉᠰᠡᠨ ᠢ᠋ᠶᠡᠷ:
- ᢈᠦᠨᠳᠦ ᠮᠠᠱᠢᠨ ᠮᠧᠬᠠᠨᠢᠰᠮ ᠤ᠋ᠨ ᠮᠧᠬᠠᠨᠢᠭᠴᠢ/ᠲᠧᠻᠨᠢᢉᠴᠢ᠂ ᢈᠦᠨᠳᠦ ᠮᠠᠱᠢᠨ᠋ ᠮᠧᠬᠠᠨᠢᠰᠮ ᠤ᠋ᠨ ᠣᠫᠧᠷᠠᠲ᠋ᠣᠷ ᠤ᠋ᠨ ᠴᠢᢉᠯᠡᠯ ᠢ᠋ᠶᠡᠷ ᠬᠣᠣᠰᠮᠠᠭ ᠰᠤᠷᠭᠠᠯᠲᠠ ᠶ᠋ᠢᠨ ᢈᠥᠲᠦᠯᠪᠦᠷᠢ ᠶ᠋ᠢ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠰᠣᠩᠭᠤᠭᠳᠠᠭᠰᠠᠨ ᠰᠤᠷᠭᠠᠯᠲᠠ ᠶ᠋ᠢᠨ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠪᠣᠯᠤᠨ ᠬᠠᠮᠲᠤᠷᠠᠭᠴᠢ ᠠ᠂ ᠠ᠂ ᠨ᠂ ᠪᠠ᠂ ᠨᠤᠭᠤᠳ ᠬᠠᠮᠲᠤᠷᠠᠨ ᢈᠡᠷᠡᢉᠵᠢᢉᠦᠯᠦᠨᠡ᠃
- ᠬᠣᠣᠰᠮᠠᠭ ᠰᠤᠷᠭᠠᠯᠲᠠ ᠪᠠᠷ ᠲᠧᠻᠨᠢᢉᠴᠢ ᠶ᠋ᠢᠨ ᠲᠦᠪᠰᠢᠨ ᠳ᠋ᠦ ᠓᠐ ᠣᠶᠤᠲᠠᠨ ᠰᠤᠷᠤᠯᠴᠠᠬᠤ ᠪᠠ ᠲᠡᢉᠦᠰᠦᢉᠴᠢᠳ ᠦ᠋ᠨ ᠘᠐% ᠨᠢ ᠠᠵᠢᠯ ᠤ᠋ᠨ ᠪᠠᠶᠢᠷᠢ ᠲᠠᠢ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃
- ᠰᠤᠷᠭᠠᠯᠲᠠ ᠶ᠋ᠢᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠪᠠᠭᠰᠢ ᠪᠣᠯᠤᠨ ᠦᠶᠢᠯᠡᠳᠪᠦᠷᠢ ᠶ᠋ᠢᠨ ᠳᠠᠳᠤᠯᠭᠠᠵᠢᠭᠤᠯᠤᠭᠴᠢ ᠪᠠᠭᠰᠢ ᠑᠕ (ᠲᠡᠳᠡᢉᠡᠷ ᠦ᠋ᠨ ᠘ ᠨᠢ ᠡᠮᠡᢉᠲᠡᠢ) ᢈᠦᠮᠦᠨ ᠢ᠋ ᠵᠧᠨ᠋ᠳᠧᠷ ᠦ᠋ᠨ ᠮᠡᠳᠡᠷᠡᠮᠵᠢᠲᠡᠢ ᠵᠢᠭᠠᠬᠤ ᠠᠷᠭᠠ ᠵᠦᠢ ᠪᠡᠷ ᠪᠡᠯᠡᠳᠦᠨᠡ᠃
- ᠨᠡᠶᠢᠲᠡ ᠑᠑᠕ ᠪᠤᠶᠤ ᠑᠕ ᠪᠠᠭᠰᠢ᠂ ᠕᠐ ᠠᠵᠢᠯ ᠦᢉᠡᠢ ᠢᠷᢉᠡᠳ᠂ ᠕᠐ ᠢᠨ᠋ᠵᠧᠨᠧᠷ᠂ ᠲᠧᢈᠨᠢᢉ ᠦ᠋ᠨ ᠠᠵᠢᠯᠴᠢᠳ ᠲᠤ (ᠲᠡᠳᠡᢉᠡᠷ ᠦ᠋ᠨ ᠑᠐% ᠨᠢ ᠡᠮᠡᢉᠲᠡᠢ) ᠪᠣᠭᠤᠨᠢ ᠬᠤᠭᠤᠴᠠᠭᠠᠨ ᠤ᠋ ᠰᠤᠷᠭᠠᠯᠲᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠨᠠ᠃
- ᠬᠣᠣᠰᠮᠠᠭ ᠰᠤᠷᠭᠠᠯᠲᠠ ᠪᠠᠷ ᠰᠤᠷᠤᠯᠴᠠᠭᠰᠠᠨ ᠖᠐ ᠣᠶᠤᠲᠠᠨ ᠠᠵᠢᠯ ᠮᠡᠷᢉᠡᠵᠢᠯ ᠳ᠋ᠦ ᠪᠡᠯᠡᠳᢈᠡᢈᠦ᠂ ᠵᠥᢉᠡᠯᠡᠨ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢᠨ ᠰᠤᠷᠭᠠᠯᠲᠠ ᠳ᠋ᠤ ᠬᠠᠮᠤᠷᠤᠭᠳᠠᠭᠰᠠᠨ ᠪᠠᠶᠢᠨᠠ᠃
- ᠦᠶᠢᠯᠡᠳᠪᠦᠷᠢ ᠶ᠋ᠢᠨ ᠳᠠᠳᠤᠯᠭᠠᠵᠢᠭᠤᠯᠤᠭᠴᠢ ᠪᠠᠭᠰᠢ ᠪᠣᠯᠤᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠠᠭᠰᠢ ᠨᠡᠶᠢᠲᠡ ᠑᠕ ᢈᠦᠮᠦᠨ ᠵᠥᢉᠡᠯᠡᠨ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢᠨ ᠰᠤᠷᠭᠠᠯᠲᠠ (᠕ ᢈᠦᠷᠲᠡᠯᠡ ᠬᠣᠨᠤᠭ) ᠲᠤ ᠬᠠᠮᠤᠷᠤᠭᠳᠠᠨᠠ᠃
- ᠓᠐ ᠣᠶᠤᠲᠠᠨ (ᠵᠠᠯᠠᠭᠤᠴᠤᠳ ᠪᠠᠶᠢᠬᠤ᠂ ᠡᢉᠦᠨ ᠦ᠋ ᠑᠐% ᠡᠮᠡᢉᠲᠡᠢ ᠪᠠᠶᠢᠬᠤ) ᢈᠦᠨᠳᠦ ᠮᠠᠱᠢᠨ᠋ ᠮᠧᠬᠠᠨᠢᠰᠮ ᠤ᠋ᠨ ᠴᠢᢉᠯᠡᠯ ᠢ᠋ᠶᠡᠷ ᠓ ᢈᠦᠷᠲᠡᠯᠡᢈᠢ ᠵᠢᠯ ᠦ᠋ᠨ ᠬᠤᠭᠤᠴᠠᠭᠠᠨ ᠳ᠋ᠤ ᠬᠣᠣᠰᠮᠠᠭ ᠰᠤᠷᠭᠠᠯᠲᠠ ᠳ᠋ᠤ ᠬᠠᠮᠤᠷᠤᠭᠳᠠᠭᠰᠠᠨ ᠪᠠᠶᠢᠨᠠ᠃
- ᠲᠧᠻᠨᠢᢉᠴᠢ ᠶ᠋ᠢᠨ ᠲᠦᠪᠰᠢᠨ ᠦ᠋ ᠓᠐ ᠣᠶᠤᠲᠠᠨ ᢈᠦᠮᠦᠨ ᠳ᠋ᠦ ᠮᠠᠱᠢᠨ᠋ ᠮᠧᠬᠠᠨᠢᠰᠮ ᠤ᠋ᠨ ᠴᠢᢉᠯᠡᠯ ᠢ᠋ᠶᠡᠷ ᠓ ᢈᠦᠷᠲᠡᠯᠡᢈᠢ ᠵᠢᠯ ᠦ᠋ᠨ ᠬᠤᠭᠤᠴᠠᠭᠠᠨ ᠳ᠋ᠤ ᠬᠣᠣᠰᠮᠠᠭ ᠰᠤᠷᠭᠠᠯᠲᠠ ᠳ᠋ᠤ ᠬᠠᠮᠤᠷᠤᠭᠳᠠᠭᠰᠠᠨ ᠪᠠᠶᠢᠨᠠ᠃
- ᠬᠣᠣᠰᠮᠠᠭ ᠰᠤᠷᠭᠠᠯᠲᠠ ᠳ᠋ᠤ ᠬᠠᠮᠤᠷᠤᠭᠳᠠᠬᠤ ᠡᠯᠰᠡᢉᠴᠢᠳ ᠦ᠋ᠨ ᠲᠣᠭᠠ ᠒᠐% ᠪᠠᠷ ᠥᠰᠦᢉᠰᠡᠨ ᠪᠠᠶᠢᠨᠠ᠃
- ᠠᠬᠠᠯᠠᠬᠤ ᠰᠤᠷᠭᠠᠭᠤᠯᠢ ᠶ᠋ᠢᠨ ᠒᠐᠐ ᠰᠤᠷᠤᠭᠴᠢᠳ (ᠲᠡᠳᠡᢉᠡᠷ ᠦ᠋ᠨ ᠕᠐% ᠨᠢ ᠡᠮᠡᢉᠲᠡᠢ) ᢈᠦᠨᠳᠦ ᠮᠠᠱᠢᠨ᠋ ᠮᠧᠬᠠᠨᠢᠰᠮ ᠤ᠋ᠨ ᠰᠠᠯᠪᠤᠷᠢ ᠳ᠋ᠤ ᢈᠥᠳᠡᠯᠮᠦᠷᠢ ᠡᠷᢈᠢᠯᠡᢈᠦ ᠪᠣᠯᠤᠮᠵᠢ ᠶ᠋ᠢᠨ ᠲᠠᠯᠠᠭᠠᠷᢈᠢ ᠮᠡᠳᠡᢉᠡᠯᠡᠯ ᠢ᠋ ᠠᠪᠤᠭᠰᠠᠨ ᠪᠠᠶᠢᠨᠠ᠃
- ᠰᠤᠷᠭᠠᠯᠲᠠ ᠶ᠋ᠢᠨ ᠒ ᠪᠠᠶᠢᠭᠤᠯᠤᠯᠭᠠ ᠬᠣᠣᠰᠮᠠᠭ ᠰᠤᠷᠭᠠᠯᠲᠠ ᠳ᠋ᠤ ᠬᠠᠮᠤᠷᠤᠭᠳᠠᠬᠤ ᠣᠶᠤᠲᠠᠨ ᠤ᠋ ᠲᠣᠭᠲᠠᠪᠤᠷᠢᠲᠠᠢ ᠮᠧᠨᠧᠵᠮᠧᠨ᠋ᠲ ᠦ᠋ᠨ ᢈᠥᠲᠦᠯᠪᠦᠷᠢ ᠲᠡᠢ ᠪᠣᠯᠤᠭᠰᠠᠨ ᠪᠠᠶᠢᠬᠤ ᠶᠤᠮ ᠪᠠᠶᠢᠨᠠ᠃
