Хаах
ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠪᠣᠯᠪᠠᠰᠤᠷᠠᠯ ᠤ᠋ᠨ ᠶᠠᠮᠤᠨ᠂ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠶᠡᢈᠡ ᠰᠤᠷᠭᠠᠭᠤᠯᠢ ᠬᠠᠮᠲᠤᠷᠠᠨ ᠮᠣᠩᠭᠣᠯ ᠤ᠋ᠨ ᠠᠩᠬᠠᠨ ᠤ᠋ 3D ᠸᠢᠷᠲ᠋ᠦ᠋ᠸᠠᠯ ᠰᠤᠷᠭᠠᠭᠤᠯᠢ ᠶ᠋ᠢ ᢈᠥᢉᠵᠢᢉᠦᠯᢈᠦ ᠠᠵᠢᠯ ᠢ᠋ ᠡᢈᠢᠯᠡᢉᠦᠯᠦᠨ ᠠᠩᠬᠠᠨ ᠤ᠋ ᠬᠤᠪᠢᠯᠪᠤᠷᠢ ᠪᠠᠨ ᠲᠠᠨᠢᠯᠴᠠᠭᠤᠯᠤᠯᠠ᠃ ᠡᠨᠡ ᢈᠦ ᠸᠢᠷᠲ᠋ᠦ᠋ᠸᠠᠯ ᠰᠤᠷᠭᠠᠭᠤᠯᠢ ᠨᠢ ᠳ᠋ᠢᠵᠢᠲ᠋ᠠᠯ ᠰᠢᠯᠵᠢᠯᠲᠡ ᠶ᠋ᠢᠨ ᠨᠢᢉᠡᠨ ᠵᠢᠱᠢᠶᠡ ᠪᠣᠯᠤᠭᠠᠳ ᠵᠣᠭᠰᠤᠬᠤ ᠦᢉᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠯᠪᠤᠷᠢ ᠳ᠋ᠤ ᠲᠧᠻᠨᠣᠯᠣᢉᠢ ᠶ᠋ᠢ ᠦᠷᠡ ᠳ᠋ᠦᠩᠲᠡᠢ ᠠᠰᠢᠭᠯᠠᠬᠤ ᠰᠢᠨᠡ ᠪᠣᠯᠤᠮᠵᠢ ᠶ᠋ᠢ ᠨᠡᢉᠡᢉᠡᠨ ᠥᢉᠴᠦ ᠪᠠᠶᠢᠨᠠ᠃
ᠸᠢᠷᠲ᠋ᠦ᠋ᠸᠠᠯ ᠰᠤᠷᠭᠠᠭᠤᠯᠢ ᠶ᠋ᠢᠨ ᠣᠨᠴᠠᠯᠢᠭ ᠨᠢ ᠻᠣᠮᠫᠢᠶᠦ᠋ᠲ᠋ᠧᠷ ᠢ᠋ᠶᠡᠷ ᠪᠠᠶᠢᠭᠤᠯᠤᠭᠰᠠᠨ ᠸᠢᠷᠲ᠋ᠦ᠋ᠸᠠᠯ ᠣᠷᠴᠢᠨ ᠳ᠋ᠤ ᢈᠡᠷᠡᢉᠯᠡᢉᠴᠢ ᠥᠪᠡᠷ ᠦ᠋ᠨ ᠠᠸᠠᠲ᠋ᠠᠷ ᠳᠦᠷᠢ ᠶ᠋ᠢᠨ ᠲᠤᠰᠠᠯᠠᠮᠵᠢ ᠲᠠᠢ ᠨᠡᠪᠲᠡᠷᠡᠵᠦ᠂ ᠪᠣᠳᠠᠲᠤ ᠠᠮᠢᠳᠤᠷᠠᠯ ᠳᠡᢉᠡᠷᠡ ᠴᠤ ᠲᠤᠷᠰᠢᠬᠤ ᠪᠣᠯᠤᠮᠵᠢ ᠦᢉᠡᠢ ᠲᠡᠷᠡ ᢈᠦ ᠲᠤᠷᠰᠢᠯᠭᠠ ᠠ᠋ᠴᠠ ᠬᠠᠮᠲᠤ ᠳ᠋ᠤ ᠪᠠᠨ ᠰᠤᠷᠤᠯᠴᠠᠬᠤ᠂ ᠬᠠᠷᠢᠯᠴᠠᠬᠤ ᠪᠣᠯᠤᠮᠵᠢ ᠶ᠋ᠢ ᠣᠯᠭᠤᠨᠠ᠃
ᠡᠨᠡ ᢈᠦ ᠸᠢᠷᠲ᠋ᠦ᠋ᠸᠠᠯ ᠰᠤᠷᠭᠠᠭᠤᠯᠢ ᠳ᠋ᠤ ᠵᠣᠴᠢᠯᠠᠭᠰᠠᠨ ᠢ᠋ᠶᠠᠷ ᠨᠠᠷᠠᠨ ᠤ᠋ ᠠᠶᠢᠮᠠᠭ ᠤ᠋ᠨ ᠰᠢᠰᠲ᠋ᠧᠮ ᠢ᠋ᠶᠡᠷ ᠠᠶᠠᠯᠠᠵᠤ᠂ ᠭᠠᠷᠠᠭ ᠶᠢᠷᠲᠢᠨᠴᠦ ᠶ᠋ᠢᠨ ᠲᠠᠯ ᠠ᠋ ᠪᠠᠷ ᠰᠤᠳᠤᠯᠬᠤ᠂ ᠮᠣᠩᠭᠣᠯ ᠤ᠋ᠨ ᠲᠡᠦᢈᠡᠨ ᠳᠤᠷᠠᠰᠬᠠᠯᠲᠤ ᠭᠠᠵᠠᠷ ᠤ᠋ᠳ ᠢ᠋ᠶᠠᠷ ᠸᠢᠷᠲ᠋ᠦ᠋ᠸᠠᠯ ᠠᠶᠠᠯᠠᠯ ᢈᠢᢈᠦ᠂ «ᠮᠣᠩᠭᠤᠯ ᠤ᠋ᠨ ᠨᠢᠭᠤᠴᠠ ᠲᠣᠪᠴᠢᠶᠠ» ᠢ᠋ᠢ ᠰᠣᠨᠢᠷᠬᠠᠯᠲᠠᠢ ᠢ᠋ᠢ ᢈᠡᠯᠪᠡᠷᠢ ᠪᠡᠷ ᢉᠦᠨᠵᠡᢉᠡᠶᠢᠷᠡᢉᠦᠯᠦᠨ ᠰᠤᠳᠤᠯᠬᠤ᠂ ᠪᠠᠶᠢᠭᠠᠯᠢ ᠶ᠋ᠢᠨ ᠰᠢᠨᠵᠢᠯᠡᢈᠦ ᠤᠬᠠᠭᠠᠨ ᠤ᠋ ᠲᠤᠷᠰᠢᠯᠲᠠ ᠨᠤᠭᠤᠳ ᠢ᠋ ᠸᠢᠷᠲ᠋ᠦ᠋ᠸᠠᠯ ᠣᠷᠴᠢᠨ ᠳ᠋ᠤ ᠲᠤᠷᠰᠢᠬᠤ᠂ ᠥᠪᠡᠷ ᠦ᠋ᠨ ᠰᠤᠷᠤᠭᠰᠠᠨ ᠮᠡᠳᠡᢉᠰᠡᠨ ᠢ᠋ᠶᠡᠨ ᠰᠣᠷᠢᠬᠤ᠂ ᠰᠢᠨᠡᠯᠢᢉ ᢈᠡᠯᠪᠡᠷᠢ ᠪᠡᠷ ᠪᠠᠲᠤᠳᠬᠠᠬᠤ ᠵᠡᠷᢉᠡ ᠣᠯᠠᠨ ᠪᠣᠯᠤᠮᠵᠢ ᠨᠤᠭᠤᠳ ᠨᠡᢉᠡᢉᠡᢉᠳᠡᢈᠦ ᠶᠤᠮ᠃
ᠨᠡᠶᠢᠰᠯᠡᠯ ᠦ᠋ᠨ ᠶᠡ᠂ ᠪᠤ᠂ ᠰᠤ᠂ ᠢᠢᠨ ᠒᠂ ᠕᠂ ᠘᠔ ᠳ᠋ᠤᠭᠡᠷ ᠰᠤᠷᠭᠠᠭᠤᠯᠢ ᠶ᠋ᠢᠨ ᠰᠤᠷᠤᠭᠴᠢᠳ ᠲᠤᠰ ᠸᠢᠷᠲ᠋ᠦ᠋ᠸᠠᠯ ᠰᠤᠷᠭᠠᠭᠤᠯᠢ ᠶ᠋ᠢᠨ ᠠᠰᠠᠭᠤᠯᠲᠠ ᠬᠠᠷᠢᠭᠤᠯᠲᠠ ᠶ᠋ᠢᠨ ᠸᠢᠷᠲ᠋ᠦ᠋ᠸᠠᠯ ᠲᠠᠩᢈᠢᠮ ᠳ᠋ᠤ ᠥᠪᠡᠷᠰᠡᠳ ᠦ᠋ᠨ ᠮᠡᠳᠡᠯᢉᠡ ᠣᠶᠤᠨ ᠢ᠋ᠶᠠᠨ ᠰᠣᠷᠢᠨ ᠥᠷᠢᠰᠦᠯᠳᠦᠵᠦ᠂ ᠸᠢᠷᠲ᠋ᠦ᠋ᠸᠠᠯ ᠰᠤᠷᠭᠠᠭᠤᠯᠢ ᠶ᠋ᠢᠨ ᠠᠩᠬᠠᠨ ᠤ᠋ ᢈᠡᠷᠡᢉᠯᠡᢉᠴᠢᠳ ᠪᠣᠯᠤᠯᠠ᠃
ᠲᠠ guyuk.mn ᠸᠧᠪ ᠰᠠᠶᠢᠲ ᠠ᠋ᠴᠠ ᠸᠢᠷᠲ᠋ᠦ᠋ᠸᠠᠯ ᠰᠤᠷᠭᠠᠭᠤᠯᠢ ᠶ᠋ᠢᠨ ᠫᠷᠣᢉᠷᠠᠮᠮ ᠢ᠋ ᠻᠣᠮᠫᠢᠶᠦ᠋ᠲ᠋ᠧᠷ ᠲᠦ ᠪᠡᠨ ᠲᠠᠲᠠᠵᠤ ᠰᠠᠭᠤᠯᠭᠠᠨ᠂ ᠠᠩᢉᠢ ᠬᠠᠮᠲᠤ ᠣᠯᠠᠨ ᠢ᠋ᠶᠠᠷ ᠢ᠋ᠶᠠᠨ ᠰᠢᠨᠡ ᠦᠶᠡ ᠶ᠋ᠢᠨ ᠪᠣᠯᠪᠠᠰᠤᠷᠠᠯ ᠤ᠋ᠨ ᠣᠷᠴᠢᠨ ᠲᠠᠢ ᠲᠠᠨᠢᠯᠴᠠᠭᠠᠷᠠᠢ᠃
