Хаах
ᠰᠢ᠂ ᠰᠢ᠂ ᠭᠠ᠂ ᠶᠡ᠂ ᠭᠠ᠂ ᠤ᠋ᠨ ᠬᠠᠷᠢᠶᠠ ᠰᠤᠷᠭᠠᠯᠲᠠ᠂ ᢈᠦᠮᠦᠵᠢᠯ ᠦ᠋ᠨ ᠲᠤᠰᠬᠠᠢ ᠪᠠᠶᠢᠭᠤᠯᠤᠯᠭᠠ /ᠰᠤ᠂ ᠬᠦ᠂ ᠲᠤ᠂ ᠪᠠ᠂/ ᠳ᠋ᠤ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠫᠦ᠂ ᠨᠠᠷᠠᠨᠪᠠᠶᠠᠷ᠂ ᠪᠣᠯᠪᠠᠰᠤᠷᠠᠯ ᠤ᠋ᠨ ᠶᠠᠮᠤᠨ ᠤ᠋ ᠲᠡᢉᠰᠢ ᠬᠠᠮᠤᠷᠤᠨ ᠰᠤᠷᠭᠠᠬᠤ ᠪᠣᠯᠪᠠᠰᠤᠷᠠᠯ ᠤ᠋ᠨ ᢈᠡᠯᠲᠡᠰ ᠦ᠋ᠨ ᠳᠠᠷᠤᠭᠠ ᠭ᠂ ᠰᠠᠷᠠᠨᢈᠦ᠋ᠦ ᠨᠠᠷ ᠵᠣᠴᠢᠯᠠᠵᠤ᠂ ᠦᠢᠯᠡ ᠠᠵᠢᠯᠯᠠᠭᠠ ᠲᠠᠢ ᠨᠢ ᠲᠠᠨᠢᠯᠴᠠᠯᠠ᠃
ᠰᠤ᠂ ᠬᠦ᠂ ᠲᠤ᠂ ᠪᠠ᠂ ᠨᠢ ᠒᠐᠑᠓ ᠣᠨ ᠳ᠋ᠤ ᠰᠤᠷᠭᠠᠯᠲᠠ ᠶᠠᠪᠤᠭᠤᠯᠬᠤ ᠲᠤᠰᠬᠠᠢ ᠵᠥᠪᠰᠢᠶᠡᠷᠡᠯ ᠠᠪᠤᠭᠰᠠᠨ ᠢ᠋ᠶᠠᠷ ᢈᠡᠦᢈᠡᠳ ᠦ᠋ᠳ ᠲᠦ ᠪᠦᠷᠢᠨ ᠳᠤᠮᠳᠠ ᠪᠣᠯᠪᠠᠰᠤᠷᠠᠯ ᠣᠯᠭᠤᠬᠤ ᠪᠣᠯᠵᠡᠢ᠃ ᠡᠨᠡ ᢈᠢᠴᠢᠶᠡᠯ ᠦ᠋ᠨ ᠵᠢᠯ ᠳ᠋ᠦ ᠔᠘ ᢈᠡᠦᢈᠡᠳ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠦᠢᠯᠡᠴᠢᠯᠡᢉᠡᠨ ᠳ᠋ᠦ ᠬᠠᠮᠤᠷᠤᠭᠳᠠᠵᠤ ᠪᠠᠶᠢᠨᠠ᠃
ᠲᠤᠰ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠪᠠᠷᠢᠯᠭᠠ ᠨᠢ ᠒᠐᠑᠒ ᠣᠨ ᠳ᠋ᠤ ᠭᠠᠷᠤᠭᠰᠠᠨ ᠳ᠋ᠦᠩᠨᠡᠯᠲᠡ ᠪᠡᠷ ᠠᠰᠢᠭᠯᠠᠯᠲᠠ ᠶ᠋ᠢᠨ ᠱᠠᠭᠠᠷᠳᠠᠯᠭᠠ ᠬᠠᠩᠭᠠᠬᠤ ᠦᢉᠡᠢ ᠪᠣᠯᠵᠤ᠂ ᠒᠐᠒᠐ ᠣᠨ ᠳ᠋ᠤ ᠠᠰᠢᠭᠯᠠᠯᠲᠠ ᠶ᠋ᠢ ᠵᠣᠭᠰᠤᠭᠠᠬᠤ ᠠᠻᠲ ᠭᠠᠷᠤᠭᠰᠠᠨ ᠴᠤ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠶᠠᠪᠤᠭᠤᠯᠤᠭᠰᠠᠭᠠᠷ ᠢᠷᠡᢉᠰᠡᠨ ᠪᠠᠶᠢᠨᠠ᠃ ᠥᠩᢉᠡᠷᠡᢉᠰᠡᠨ ᠣᠨ ᠤ᠋ ᠶᠢᠰᠦᠳᠦᢉᠡᠷ ᠰᠠᠷᠠ ᠳ᠋ᠤ ᠤᠯᠤᠰ ᠤ᠋ᠨ ᠲᠥᠰᠦᠪ ᠦ᠋ᠨ ᢈᠥᠷᠦᠩᢉᠡ ᠪᠡᠷ ᠰᠢᠨᠡ ᠪᠠᠷᠢᠯᠭᠠ ᠶ᠋ᠢᠨ ᠠᠵᠢᠯ ᠨᠢ ᠡᢈᠢᠯᠡᢉᠰᠡᠨ ᠪᠥᢉᠡᠳ ᠒᠐᠒᠖ ᠣᠨ ᠳ᠋ᠤ ᠠᠰᠢᠭᠯᠠᠯᠲᠠ ᠳ᠋ᠤ ᠣᠷᠤᠮᠠᠭᠴᠠ ᠱᠠᠭᠠᠷᠳᠠᠯᠭᠠᠲᠠᠢ ᠰᠢᠷᠡᢉᠡ ᠰᠠᠨᠳᠠᠯᠢ᠂ ᠲᠧᠻᠨᠢᢉ᠂ ᠲᠣᠨᠤᠭ ᠲᠥᢈᠦᢉᠡᠷᠦᠮᠵᠢ ᠵᠡᠷᢉᠡ ᠪᠡᠷ ᠬᠠᠩᠭᠠᠬᠤ ᠳ᠋ᠤ ᠠᠩᠬᠠᠷᠤᠨᠠ ᢉᠡᠳᠡᢉ ᠢ᠋ᠶᠡᠨ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠫᠦ᠂ ᠨᠠᠷᠠᠨᠪᠠᠶᠠᠷ ᢈᠡᠯᠡᠯᠡ᠃
ᠰᠤ᠂ ᠬᠦ᠂ ᠲᠤ᠂ ᠪᠠ᠂ ᠤ᠋ᠨ ᠳᠠᠷᠤᠭᠠ᠂ ᠳᠡᠳ᠋ ᠬᠤᠷᠠᠩᠳᠠ ᠴᠠ᠂ᠪᠠᠶᠠᠷᠲᠤᠪᠠᠭᠠᠲᠤᠷ «ᠮᠠᠨ ᠤ᠋ ᠪᠠᠶᠢᠭᠤᠯᠤᠯᠭᠠ ᠳ᠋ᠤ ᠠᠩᠬᠠ ᠤᠳᠠᠭᠠ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠵᠣᠴᠢᠯᠠᠵᠤ ᠪᠠᠶᠢᠨᠠ᠃ ᠪᠢᠳᠡᠨ ᠦ᠋ ᢈᠦᠰᠡᠯᠲᠡ ᠶ᠋ᠢ ᢈᠦᠯᠢᠶᠡᠨ ᠠᠪᠴᠤ᠂ ᠰᠢᠨᠡ ᠪᠠᠷᠢᠯᠭᠠ ᠠᠰᠢᠭᠯᠠᠯᠲᠠ ᠳ᠋ᠤ ᠣᠷᠤᠵᠤ ᠴᠠᢈᠢᠮ ᠲᠠᠩᢈᠢᠮ ᠲᠠᠢ ᠪᠣᠯᠤᠮᠠᠭᠴᠠ ᠰᠢᠷᠡᢉᠡ ᠰᠠᠨᠳᠠᠯᠢ᠂ ᠱᠠᠭᠠᠷᠳᠠᠭᠳᠠᠬᠤ ᠲᠣᠨᠤᠭ ᠲᠥᢈᠦᢉᠡᢈᠦᠮᠵᠢ ᠪᠡᠷ ᠬᠠᠩᠭᠠᠬᠤ ᠪᠠᠷ ᠪᠣᠯᠤᠭᠰᠠᠨ ᠳ᠋ᠤᠷ ᠪᠠᠶᠠᠷ ᠲᠠᠢ ᠪᠠᠶᠢᠨᠠ» ᢉᠡᠪᠡ᠃
ᠲᠡᠷᠡ ᠪᠡᠷ ᠲᠤᠰ ᠰᠤᠷᠭᠠᠭᠤᠯᠢ ᠳ᠋ᠤ ᠣᠯᠠᠨ ᠵᠢᠯ ᠦᠷᠡ ᠪᠦᠲᠦᢉᠡᠯ ᠲᠡᠢ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠪᠠᠭᠰᠢ ᠨᠠᠷ ᠢ᠋ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᠱᠠᠩᠨᠠᠯ ᠢ᠋ᠶᠠᠷ ᠱᠠᠩᠨᠠᠵᠤ᠂ ᠰᠤᠷᠭᠠᠭᠤᠯᠢ ᠳ᠋ᠤ ᠨᠢ ᠵᠥᢉᠡᢉᠡᠪᠦᠷᠢ ᠶ᠋ᠢᠨ ᠻᠣᠮᠫᠢᠶᠦ᠋ᠲ᠋ᠧᠷ᠂ ᠲᠠᠪᠯᠧᠲ᠂ ᢈᠡᠷᠡᢉᠴᠡᢉᠡᠲᠦ ᠰᠤᠷᠬᠤ ᠪᠢᠴᠢᢉ ᠦ᠋ᠳ ᠢ᠋ ᠣᠯᠭᠤᠨ᠂ ᠰᠤᠷᠤᠯᠴᠠᠭᠴᠢᠳ ᠲᠠᠢ ᠶᠠᠷᠢᠯᠴᠠᠵᠤ᠂ ᠲᠡᠳᠡᠨ ᠦ᠋ ᢈᠦᠰᠡᠯ ᠮᠥᠷᠦᢉᠡᠳᠦᠯ ᠢ᠋ ᠰᠣᠨᠤᠰᠤᠭᠰᠠᠨ ᠨᠢ ᢈᠡᠦᢈᠡᠳ ᠦ᠋ᠳ ᠲᠦ ᠤᠷᠮᠠ ᠵᠣᠷᠢᠭ ᠥᢉᠴᠦ᠂ ᠰᠡᠳᢈᠢᠯ ᠵᠦᠢ ᠶ᠋ᠢᠨ ᠳᠡᠮᠵᠢᠯᢉᠡ ᠪᠣᠯᠤᠯᠠ᠃ ᠮᠥᠨ ᠰᠤᠷᠭᠠᠯᠲᠠ ᠶ᠋ᠢᠨ ᠣᠷᠴᠢᠨ ᠢ᠋ ᠪᠦᠷᠢᠳᠦᢉᠦᠯᠵᠦ᠂ ᠰᠤᠷᠭᠠᠯᠲᠠ ᠶ᠋ᠢᠨ ᢈᠡᠷᠡᢉᠯᠡᢉᠳᠡᢈᠦᠨ᠂ ᠨᠣᠮ ᠰᠤᠷᠬᠤ ᠪᠢᠴᠢᢉ ᠢ᠋ᠶᠡᠷ ᠬᠠᠩᠭᠠᠨ᠂ ᠠᠬᠠᠯᠠᠬᠤ ᠠᠩᢉᠢ ᠶ᠋ᠢᠨ ᠰᠤᠷᠤᠭᠴᠢᠳ ᠢ᠋ ᠴᠠᢈᠢᠮ ᠰᠤᠷᠭᠠᠯᠲᠠ ᠳ᠋ᠤ ᠬᠠᠮᠤᠷᠤᠭᠤᠯᠬᠤ᠂ ᠮᠡᠷᢉᠡᠵᠢᠯ ᠦ᠋ᠨ ᠪᠣᠯᠪᠠᠰᠤᠷᠠᠯ ᠡᠵᠡᠮᠰᠢᢈᠦ᠂ ᠶᠡᢈᠡ ᠰᠤᠷᠭᠠᠭᠤᠯᠢ ᠳ᠋ᠤ ᠡᠯᠰᠡᠨ ᠰᠤᠷᠤᠯᠴᠠᠬᠤ ᠳ᠋ᠤ ᠳᠡᠮᠵᠢᠯᢉᠡ ᠦᠵᠡᢉᠦᠯᢈᠦ ᠶ᠋ᠢᠨ ᠵᠡᠷᢉᠡᠴᠡᢉᠡ᠂ ᠪᠠᠭᠰᠢ᠂ ᢈᠦᠮᠦᠨ ᠦ᠋ ᠨᠥᢉᠡᠴᠡ ᠶ᠋ᠢ ᠰᠤᠷᠭᠠᠬᠤ᠂ ᠪᠡᠯᠡᠳᢈᠡᢈᠦ ᠳ᠋ᠦ ᠨᠢ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠪᠠᠷ ᠲᠣᠭᠲᠠᠪᠠ᠃
ᠲᠠᠰᠢᠷᠠᠮ ᠳ᠋ᠤ᠂ ᠻᠷᠢᠰᠲ᠋ᠢᠨᠠ ᠨᠣᠪᠯᠢ ᠶ᠋ᠢᠨ ᢈᠡᠦᢈᠡᠳ ᠦ᠋ᠨ ᠰᠠᠩ ᠲᠤᠰ ᠰᠤᠷᠭᠠᠭᠤᠯᠢ ᠲᠠᠢ ᠨᠢᠭᠲᠠ ᠬᠠᠮᠤᠷᠤᠨ ᠠᠵᠢᠯᠯᠠᠳᠠᠭ᠃ ᠲᠤᠰ ᠰᠠᠩ ᠤ᠋ᠨ ᠰᠤᠷᠭᠠᠯᠲᠠ᠂ ᠦᠢᠯᠡᠴᠢᠯᠡᢉᠡᠨ ᠳ᠋ᠦ ᠬᠠᠮᠤᠷᠤᠭᠳᠠᠭᠰᠠᠨ ᢈᠡᠦᢈᠡᠳ ᠦ᠋ᠳ ᠡᠴᠡ ᠒᠖ ᠬᠤᠪᠢ ᠨᠢ ᠤᠯᠠᠷᠢᠯ ᠤ᠋ᠨ ᠴᠢᠨᠠᠷᠲᠠᠢ ᠴᠠᠭ ᠤ᠋ᠨ ᠠᠵᠢᠯ ᠳ᠋ᠤ ᠣᠷᠤᠵᠤ᠂ ᠖᠘ ᠬᠤᠪᠢ ᠨᠢ ᠶᠡᢈᠡ ᠰᠤᠷᠭᠠᠭᠤᠯᠢ᠂ ᠻᠣᠯᠯᠧᠵᠢ ᠳ᠋ᠤ ᠡᠯᠰᠡᠨ᠂ ᠓᠓ ᠬᠤᠪᠢ ᠨᠢ ᠴᠢᠯᠦᢉᠡᠯᠡᢉᠳᠡᢉᠰᠡᠨ ᠦ᠋ ᠳᠠᠷᠠᠭᠠᢈᠢ ᠦᠢᠯᠡᠴᠢᠯᠡᢉᠡ ᠠᠪᠴᠡᠢ᠃
