Хаах
ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠫᠦ᠂ ᠨᠠᠷᠠᠨᠪᠠᠶᠠᠷ ᠤ᠂ ᠶᠡ᠂ ᠬᠤ᠂ ᠤ᠋ᠨ ᢉᠡᠰᠢᢉᠦᠨ ᠳ᠊᠂ ᠵᠢᠷᠭᠠᠯᠰᠠᠶᠢᠬᠠᠨ ᠪᠣᠯᠤᠨ ᠪᠠᠶᠠᠨ᠊ᠬᠣᠩᠭᠤᠷ ᠠᠶᠢᠮᠠᠭ ᠤ᠋ᠨ ᠪᠥᠮᠪᠦᢉᠡᠷ ᠰᠤᠮᠤ ᠶ᠋ᠢᠨ ᠢ᠂ ᠲᠦ᠂ ᠬᠣ᠂ ᠤ᠋ᠨ ᠳᠠᠷᠤᠭᠠ ᠫ᠂ ᠠᠮᠤᠷ ᠠ᠋᠂ ᠪᠠᠶᠠᠨᠴᠠᠭᠠᠨ ᠰᠤᠮᠤ ᠶ᠋ᠢᠨ ᠵᠠᠰᠠᠭ ᠳᠠᠷᠤᠭᠠ ᠨ᠊᠂ ᠭᠠᠩᠰᠦ᠋ᢈᠡ᠂ ᠲᠤᠰ ᠰᠤᠮᠤ ᠶ᠋ᠢᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠵᠠᢈᠢᠷᠤᠯ ᠰ᠊᠂ ᠨᠠᠨᠳᠢᠨᠴᠡᠴᠡᢉ᠂ ᠰᠢᠨᠡ ᠵᠢᠩᠰᠡᠲᠦ ᠰᠤᠮᠤ ᠶ᠋ᠢᠨ ᠵᠠᠰᠠᠭ ᠳᠠᠷᠤᠭᠠ ᠯ᠂ ᠪᠠᠲᠤᠬᠤᠶᠠᠭ᠂ ᠥᠯᠵᠡᠶᠢᠲᠦ ᠰᠤᠮᠤ ᠶ᠋ᠢᠨ ᠵᠠᠰᠠᠭ ᠳᠠᠷᠤᠭᠠ ᠦ᠂ ᠬᠠᠰᠢᠪᠢᠯᠢᢉ᠂ ᠲᠤᠰ ᠰᠤᠮᠤ ᠶ᠋ᠢᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠵᠠᢈᠢᠷᠤᠯ ᠪ᠊᠂ ᠥᠯᠵᠡᠶᠢᠪᠠᠭᠠᠲᠤᠷ ᠨᠠᠷ ᠢ᠋ ᢈᠦᠯᠢᠶᠡᠨ ᠠᠪᠴᠤ ᠠᠭᠤᠯᠵᠠᠯᠠ᠃
ᠥᠯᠵᠡᠶᠢᠲᠦ ᠰᠤᠮᠤ ᠶ᠋ᠢᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠑᠐᠐ ᠵᠢᠯ ᠦ᠋ᠨ ᠣᠢ ᠡᠨᠡ ᠣᠨ ᠳ᠋ᠤ ᠲᠣᢈᠢᠶᠠᠵᠤ ᠪᠠᠶᠢᠨᠠ᠃ ᠣᠳᠤ ᠶ᠋ᠢᠨ ᢈᠢᠴᠢᠶᠡᠯ ᠦ᠋ᠨ ᠪᠠᠶᠢᠷᠢ ᠨᠢ ᠑᠙᠗᠖ ᠣᠨ ᠳ᠋ᠤ ᠠᠰᠢᠭᠯᠠᠯᠲᠠ ᠳ᠋ᠤ ᠣᠷᠤᠭᠰᠠᠨ ᠪᠥᢉᠡᠳ ᠳᠤᠯᠠᠭᠠᠨ ᠠᠯᠳᠠᠯᠲᠠ ᠶᠡᢈᠡ ᠲᠡᠢ ᠪᠣᠯᠵᠡᠢ᠃ ᠡᠶᠢᠮᠦ ᠳ᠋ᠦ ᠵᠢᠷᠤᠭ ᠲᠥᠰᠦᠯ ᠦ᠋ᠨ ᠳᠠᠭᠠᠭᠤ ᠰᠢᠨᠡ ᠭᠠᠳᠠᠨᠠ ᠹᠠᠰᠠᠳ᠋ ᢈᠢᢈᠦ ᠰᠠᠩᢈᠦᠵᠢᠯᠲᠡ ᠶ᠋ᠢ ᠤᠯᠤᠰ ᠤ᠋ᠨ ᠲᠥᠰᠦᠪ ᠲᠦ ᠲᠤᠰᠬᠠᠵᠤ ᠥᢉᢈᠦ ᢈᠦᠰᠡᠯᠲᠡ ᠶ᠋ᠢ ᠲᠤᠰ ᠰᠤᠷᠭᠠᠭᠤᠯᠢ ᠶ᠋ᠢᠨ ᠵᠠᢈᠢᠷᠤᠯ ᠪ᠂ ᠥᠯᠵᠡᠶᠢᠪᠠᠭᠠᠲᠤᠷ ᠢᠯᠡᠷᢈᠡᠶᠢᠯᠡᠪᠡ᠃
ᠪᠠᠶᠠᠨᠴᠠᠭᠠᠨ ᠰᠤᠮᠤ ᠶ᠋ᠢᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠬᠤᠪᠢ ᠳ᠋ᠤ ᠓᠒᠐ ᢈᠡᠦᢈᠡᠳ ᠦ᠋ᠨ ᢈᠦᠴᠦᠨ ᠴᠢᠳᠠᠯ ᠲᠠᠢ ᠰᠢᠨᠡ ᠪᠠᠷᠢᠯᠭᠠ ᠶ᠋ᠢᠨ ᠠᠵᠢᠯ ᠦᠷᢉᠦᠯᠵᠢᠯᠡᠵᠦ ᠪᠠᠶᠢᠨᠠ᠃ ᠰᠢᠨᠡ ᢈᠢᠴᠢᠶᠡᠯ ᠦ᠋ᠨ ᠪᠠᠶᠢᠷᠢᠨ ᠳ᠋ᠤ ᠰᠠᠨᠳᠠᠯᠢ ᠰᠢᠷᠡᢉᠡ᠂ ᠲᠣᠨᠤᠭ ᠲᠥᢈᠦᢉᠡᠷᠦᠮᠵᠢ ᠵᠡᠷᢉᠡ ᠲᠣᢈᠢᠵᠢᠯᠲᠠ᠂ ᠲᠠᠪᠢᠯᠭᠠ ᢈᠡᠷᠡᢉᠰᠡᠯ ᢈᠡᠷᠡᢉᠲᠡᠢ ᠪᠠᠶᠢᠭᠠ ᠶ᠋ᠢ ᠲᠤᠰ ᠰᠤᠷᠭᠠᠭᠤᠯᠢ ᠶ᠋ᠢᠨ ᠵᠠᢈᠢᠷᠤᠯ ᠰ᠂ ᠨᠠᠨᠳᠢᠨᠴᠡᠴᠡᢉ ᠥᢉᠦᠯᠡᠯᠡ᠃
ᠡᠨᠡ ᠣᠨ ᠤ᠋ ᠲᠥᠰᠦᠪ ᠪᠠᠲᠤᠯᠠᠭᠳᠠᠴᠢᠬᠠᠭᠰᠠᠨ ᠤᠴᠢᠷ ᠠ᠋ᠴᠠ ᢈᠥᠷᠦᠩᢉᠡ ᠣᠷᠤᠭᠤᠯᠤᠯᠲᠠ ᠶ᠋ᠢᠨ ᠰᠢᠨᠡ ᠠᠷᠭᠠ ᢈᠡᠮᠵᠢᠶᠡ ᠲᠤᠰᠬᠠᠬᠤ ᠪᠣᠯᠤᠮᠵᠢ ᠦᢉᠡᠢ᠃ ᠬᠠᠷᠢᠨ ᠲᠣᠨᠤᠭ ᠲᠥᢈᠦᢉᠡᠷᠦᠮᠵᠢ ᠪᠣᠯᠤᠭᠠᠳ ᠪᠤᠰᠤᠳ ᢈᠦᠰᠡᠯᠲᠡ ᠶ᠋ᠢ ᠬᠣᠯᠪᠤᠭᠳᠠᠬᠤ ᠨᠢᢉᠡᠴᠡ ᠳ᠋ᠦ ᢈᠦᠷᢈᠡᢉᠦᠯᠦᠨ᠂ ᠰᠢᠢᠳᠪᠦᠷᠢᠯᠡᢈᠦ ᠳ᠋ᠦ ᠠᠩᠬᠠᠷᠴᠤ ᠠᠵᠢᠯᠯᠠᠨᠠ ᢉᠡᠳᠡᢉ ᠢ᠋ᠶᠡᠨ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠫᠦ᠂ ᠨᠠᠷᠠᠨᠪᠠᠶᠠᠷ ᠢᠯᠡᠷᢈᠡᠶᠢᠯᠡᠪᠡ᠃