ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠯᠲᠠ ᠶ᠋ᠢᠨ ᠪᠠᠶᠢᠭᠤᠯᠤᠯᠭ᠎ᠠ ᠶ᠋ᠢᠨ ᠣᠷᠴᠢᠨ ᠳ᠋ᠤ ᠡᠯᠧᠻᠲ᠋ᠷᠤᠨ ᠲᠠᠮᠠᢈᠢ ᢈᠡᠷᠡᢉᠯᠡᢈᠦ ᠶ᠋ᠢ ᠬᠣᠷᠢᠭᠯᠠᠯ᠎ᠠ

ᠳᠡ᠊᠂ ᠡ᠊᠂ ᠮᠡ᠊᠂ ᠪᠡ᠊᠂ ᠠᠴᠠ ᢈᠢᢉᠰᠡᠨ ᠰᠤᠳᠤᠯᠭ᠎ᠠ ᠪᠠᠷ ᠡᠯᠧᠻᠲ᠋ᠷᠤᠨ ᠲᠠᠮᠠᢈᠢ /vape/ ᠢᠢᠨ ᢈᠡᠷᠡᢉᠯᠡᢉᠡ ᠨᠢ ᢈᠦᠮᠦᠨ ᠦ᠋ ᠲᠠᠷᠢᢈᠢᠨ ᠤ᠋ ᠦᠶᠢᠯᠡ ᠠᠵᠢᠯᠯᠠᠭᠠᠨ ᠳ᠋ᠤ ᠤᠷᠲᠤ ᠬᠤᠭᠤᠴᠠᠭᠠᠨ ᠳ᠋ᠤ ᠰᠥᠷᢉᠦ ᠪᠡᠷ ᠨᠥᠯᠦᢉᠡᠯᠡᠵᠦ᠂ ᠡᠷᠡᢉᠦᠯ ᠮᠡᠨᠳᠦ᠂ ᠠᠮᠢ ᠨᠠᠰᠤᠨ ᠳ᠋ᠤ ᠨᠢ ᠠᠶᠤᠯ᠂ ᠡᠷᠦᠰᠳᠡᠯ ᠤᠴᠠᠷᠠᠭᠤᠯᠵᠤ᠂ ᠰᠡᠳᢈᠢᠯ ᠲᠦᢉᠰᠢᢈᠦ ᠡᠮᢉᠡᢉ᠂ ᠣᠶᠤᠨ ᠤ᠋ ᠬᠣᠮᠰᠠᠳᠠᠯ᠂ ᠳᠣᠩᠲᠤᠯᠲᠠ᠂ ᠠᠭᠤᠰᢈᠢ ᠴᠣᠭᠤᠷᠠᠬᠤ ᠡᠮᢉᠡᢉ ᠵᠡᠷᢉᠡ ᠶ᠋ᠢ ᠡᢉᠦᠰᢈᠡᠵᠦ ᠪᠤᠢ ᠨᠢ ᠲᠣᠭᠲᠠᠭᠠᠭᠳᠠᠵᠡᠢ᠃ ᠢᠯᠠᠩᠭᠤᠶ᠎ᠠ ᠥᠰᠪᠦᠷᠢ ᠨᠠᠰᠤᠨ ᠳ᠋ᠤ ᠪᠠᠨ ᠡᠯᠧᠻᠲ᠋ᠷᠤᠨ ᠲᠠᠮᠠᢈᠢ ᢈᠡᠷᠡᢉᠯᠡᢉᠰᠡᠨ ᢈᠡᠦᢈᠡᠳ ᠤᠲᠤᠭᠠᠲᠤ ᠲᠠᠮᠠᢈᠢ᠂ ᠨᠢᠻᠤᠲ᠋ᠢᠨ ᠳ᠋ᠤ ᠳᠣᠩᠲᠤᠬᠤ ᠡᠷᠦᠰᠳᠡᠯ ᠡᠷᠡᠰ ᠨᠡᠮᠡᢉᠳᠡᠳᠡᢉ ᠪᠠᠶᠢᠨ᠎ᠠ᠃ ᠡᠶᠢᠮᠦ ᠳ᠋ᠦ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠤ᠋ᠨ ᠒᠐᠒᠔ ᠣᠨ ᠤ᠋《ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠯᠲᠠ ᠶ᠋ᠢᠨ ᠪᠠᠶᠢᠭᠤᠯᠤᠯᠭ᠎ᠠ ᠶ᠋ᠢᠨ ᠣᠷᠴᠢᠨ ᠳ᠋ᠤ ᠡᠯᠧᠻᠲ᠋ᠷᠤᠨ ᠲᠠᠮᠠᢈᠢ ᢈᠡᠷᠡᢉᠯᠡᢈᠦ ᠶ᠋ᠢ ᠬᠣᠷᠢᠭᠯᠠᠬᠤ ᠲᠤᠬᠠᠢ》ᠲᠤᠰᠢᠶᠠᠯ ᠭᠠᠷᠤᠯ ᠠ᠃

ᠡᢉᠦᠨ ᠲᠡᠢ ᠬᠣᠯᠪᠤᠭᠳᠠᠭᠤᠯᠤᠨ ᠳᠠᠷᠠᠭᠠᢈᠢ ᠠᠷᠭ᠎ᠠ ᢈᠡᠮᠵᠢᠶ᠎ᠡ ᠶ᠋ᠢ ᠠᠪᠴᠤ ᢈᠡᠷᠡᢉᠵᠢᢉᠦᠯᢈᠦ ᠶ᠋ᠢ ᠥᠮᠴᠢ ᠶ᠋ᠢᠨ ᢈᠡᠯᠪᠡᠷᠢ ᠦᠯᠦ ᠬᠠᠷᠠᠭᠠᠯᠵᠠᠨ ᠪᠦᢈᠦ ᠲᠦᠪᠰᠢᠨ ᠦ᠋ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠯᠲᠠ ᠶ᠋ᠢᠨ ᠪᠠᠶᠢᠭᠤᠯᠤᠯᠭ᠎ᠠ ᠶ᠋ᠢᠨ ᠡᠷᢈᠢᠯᠡᢉᠴᠢ᠂ ᠵᠠᢈᠢᠷᠤᠯ᠂ ᠷᠧᠻᠲ᠋ᠤᠷ ᠨᠠᠷ ᠲᠤ ᠡᢉᠦᠷᢉᠡ ᠪᠣᠯᠭᠠᠪᠠ᠃ ᠡᢉᠦᠨ ᠳ᠋ᠦ:

• ᠰᠤᠷᠤᠯᠴᠠᠭᠴᠢ ᠶ᠋ᠢᠨ ᠥᠪᠡᠷ ᠦ᠋ᠨ ᠤᠳᠤᠷᠢᠳᠤᠯᠭ᠎ᠠ ᠶ᠋ᠢᠨ ᠪᠠᠶᠢᠭᠤᠯᠤᠯᠭ᠎ᠠ᠂ ᠬᠣᠯᠪᠤᠭᠳᠠᠬᠤ ᠲᠥᠷᠦ ᠶ᠋ᠢᠨ ᠪᠣᠯᠤᠨ ᠲᠥᠷᠦ ᠶ᠋ᠢᠨ ᠪᠤᠰᠤ ᠪᠠᠶᠢᠭᠤᠯᠤᠯᠭ᠎ᠠ ᠲᠠᠢ ᠬᠠᠮᠲᠤᠷᠠᠨ ᠡᠯᠧᠻᠲ᠋ᠷᠣᠨ ᠲᠠᠮᠠᢈᠢᠨ ᠤ᠋ ᠬᠣᠣᠷ ᠤᠷᠰᠢᠭ᠂ ᠡᠷᠡᢉᠦᠯ ᠮᠡᠨᠳᠦ ᠳ᠋ᠦ ᠦᠵᠡᢉᠦᠯᢈᠦ ᠬᠣᠣᠷ ᠨᠥᠯᠦᢉᠡᠨ ᠦ᠋ ᠲᠠᠯ ᠠ ᠪᠠᠷ ᠣᠶᠢᠯᠠᠭᠠᠯᠲᠠ᠂ ᠮᠡᠳᠡᢉᠡᠯᠡᠯ ᠥᢉᢈᠦ ᠰᠤᠷᠭᠠᠯᠲᠠ᠂ ᠨᠥᠯᠦᢉᠡᠯᠡᠯ ᠦ᠋ᠨ ᠠᠷᠭ᠎ᠠ ᢈᠡᠮᠵᠢᠶ᠎ᠡ ᠶ᠋ᠢ ᠨᠠᠰᠤᠨ ᠤ᠋ ᠣᠨᠴᠠᠯᠢᠭ ᠲᠤ ᠲᠣᢈᠢᠷᠠᠭᠤᠯᠤᠨ ᠲᠣᠭᠲᠠᠮᠠᠯ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ;
• ᠡᠯᠸᠻᠲ᠋ᠷᠣᠨ ᠲᠠᠮᠠᢈᠢ ᢈᠡᠷᠡᢉᠯᠡᠳᠡᢉ ᠰᠤᠷᠤᠯᠴᠠᠭᠴᠢ ᠲᠠᠢ ᠭᠠᠭᠴᠠᠭᠠᠷᠴᠢᠯᠠᠭᠰᠠᠨ ᠠᠭᠤᠯᠵᠠᠯᠲᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ᠂ ᠰᠡᠳᢈᠢᠯ ᠵᠦᠢ ᠶ᠋ᠢᠨ ᠵᠥᠪᠯᠡᢉᠡ᠂ ᠦᠶᠢᠯᠡᠴᠢᠯᠡᢉᠡᠨ ᠳ᠋ᠦ ᠬᠠᠮᠤᠷᠤᠭᠤᠯᠬᠤ ᠳ᠋ᠤ ᠡᠷᠡᢉᠦᠯ ᠮᠡᠨᠳᠦ ᠶ᠋ᠢᠨ ᠪᠠᠶᠢᠭᠤᠯᠤᠯᠭ᠎ᠠ ᠲᠠᠢ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ;
• ᠰᠤᠷᠭᠠᠯᠲᠠ ᠶ᠋ᠢᠨ ᠪᠠᠶᠢᠭᠤᠯᠤᠯᠭ᠎ᠠ ᠶ᠋ᠢᠨ ᠳᠦᠷᠢᠮ᠂ ᠳᠣᠲᠤᠭᠠᠳᠤ ᢈᠡᠮ ᢈᠡᠮᠵᠢᠶᠡᠨ ᠳ᠋ᠦ ᠰᠤᠷᠭᠠᠭᠤᠯᠢ ᠶ᠋ᠢᠨ ᠣᠷᠴᠢᠨ ᠳ᠋ᠤ ᠡᠯᠧᠻᠲ᠋ᠷᠤᠨ ᠲᠠᠮᠠᢈᠢ ᢈᠡᠷᠡᢉᠯᠡᢈᠦ ᠶ᠋ᠢ ᠬᠣᠷᠢᠭᠯᠠᠭᠰᠠᠨ ᠵᠣᢈᠢᠴᠠᠭᠤᠯᠤᠯᠲᠠ ᠲᠤᠰᠬᠠᠬᠤ᠃

ᠮᠥᠨ ᠡᠴᠢᢉᠡ ᠡᢈᠡ᠂ ᠠᠰᠠᠷᠠᠨ ᠬᠠᠮᠠᠭᠠᠯᠠᠭᠴᠢ᠂ ᠬᠠᠷᠠᠭᠠᠯᠵᠠᠨ ᠳᠡᠮᠵᠢᢉᠴᠢᠳ ᠢ᠋ ᢈᠡᠦᢈᠡᠳ ᠲᠦ ᠪᠡᠨ ᠲᠠᠯᠪᠢᠬᠤ ᠬᠠᠷᠠᠭ᠎ᠠ ᢈᠢᠨᠠᠯᠲᠠ ᠪᠠᠨ ᠰᠠᠶᠢᠵᠢᠷᠠᠭᠤᠯᠬᠤ᠂ ᠡᠯᠧᠻᠲ᠋ᠷᠣᠨ ᠲᠠᠮᠠᢈᠢᠨ ᠤ᠋ ᠬᠣᠣᠷ ᠨᠥᠯᠦᢉᠡ᠂ ᠡᠷᠡᢉᠦᠯ ᠮᠡᠨᠳᠦ ᠳ᠋ᠦ ᠤᠴᠠᠷᠠᠬᠤ ᠡᠷᠦᠰᠳᠡᠯ ᠦ᠋ᠨ ᠲᠠᠯ᠎ᠠ ᠪᠠᠷ ᠶᠠᠷᠢᠯᠴᠠᠵᠤ᠂ ᠣᠶᠢᠯᠠᠭᠠᠭᠤᠯᠬᠤ ᠶ᠋ᠢ ᠤᠷᠢᠶᠠᠯᠠᠵᠤ ᠪᠠᠶᠢᠨ᠎ᠠ᠃