ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠫᠦ᠊᠂ ᠨᠠᠷᠠᠨᠪᠠᠶᠠᠷ᠂ ᠡᠷᠡᢉᠦᠯ ᠮᠡᠨᠳᠦ ᠶ᠋ᠢᠨ ᠰᠠᠶᠢᠳ ᠲ᠊᠂ ᠮᠥᠩᢈᠡᠰᠠᠶᠢᠬᠠᠨ ᠪᠣᠯᠤᠨ ᠬᠣᠯᠪᠤᠭᠳᠠᠬᠤ ᠠᠯᠪᠠᠨ ᠤ᠋ ᢈᠢᠨ ᠨᠡᠶᠢᠰᠯᠡᠯ ᠦ᠋ᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠗᠕ ᠳ᠋ᠤᠭᠠᠷ ᠰᠤᠷᠭᠠᠭᠤᠯᠢ ᠳ᠋ᠤ ᠠᠵᠢᠯᠯᠠᠵᠤ᠂ ᠵᠢᠷᠭᠤᠭᠠᠨ ᠨᠠᠰᠤᠲᠠᠨ ᠤ᠋ ᠨᠢᠳᠦ᠂ ᠰᠢᠳᠦ᠂ ᠵᠢᠷᠦᢈᠡ ᠰᠤᠳᠠᠰᠤᠨ ᠤ᠋ ᠡᠷᠲᠡ ᠢᠯᠡᠷᠡᢉᠦᠯᢉᠡ ᠶ᠋ᠢᠨ ᠦᠵᠡᠯᢉᠡ ᠶ᠋ᠢᠨ ᠶᠠᠪᠤᠴᠠ ᠲᠠᠢ ᠲᠠᠨᠢᠯᠴᠠᠪᠠ᠃
ᠲᠤᠰ ᠰᠤᠷᠭᠠᠭᠤᠯᠢ ᠨᠢ ᠑ ᠳ᠋ᠤᢉᠡᠷ ᠠᠩᢉᠢ ᠶ᠋ᠢᠨ ᠲᠠᠪᠤᠨ ᠪᠦᠯᠦᢉ᠂ ᠑᠘᠓ ᠰᠤᠷᠤᠭᠴᠢᠳ ᠤ᠋ᠨ ᠢ᠋ᠶᠠᠨ ᠳᠤᠮᠳᠠ ᠬᠠᠷᠠᠭᠠ ᠰᠢᠯᠭᠠᠬᠤ ᠦᠵᠡᠯᢉᠡ ᠶ᠋ᠢ ᠪᠦᠷᠢᠨ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠡᠢ᠃ ᠥᠨᠦᠳᠦᠷ ᠠᠮᠠᠨ ᠤ᠋ ᢈᠥᠨᠳᠡᠢ᠂ ᠵᠢᠷᠦᢈᠡ ᠰᠤᠳᠠᠰᠤᠨ ᠤ᠋ ᠰᠡᢉᠦᠯᠴᠢ ᠶ᠋ᠢᠨ ᠦᠵᠡᠯᢉᠡ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠢ᠋ᠶᠠᠷ ᠵᠢᠷᠭᠤᠭᠠᠨ ᠨᠠᠰᠤᠲᠠᠨ ᠨᠤᠭᠤᠳ ᠢ᠋ᠶᠠᠨ ᠨᠢᠳᠦ᠂ ᠰᠢᠳᠦ᠂ ᠵᠢᠷᠦᢈᠡ ᠰᠤᠳᠠᠰᠤᠨ ᠤ᠋ ᠡᠷᠲᠡ ᠢᠯᠡᠷᠡᢉᠦᠯᢉᠡ ᠶ᠋ᠢᠨ ᠦᠵᠡᠯᢉᠡ ᠳ᠋ᠦ ᠬᠠᠮᠤᠷᠤᠭᠤᠯᠵᠤ ᠳᠠᠭᠤᠰᠤᠯ ᠠ᠃
ᠥᠨᠦᠳᠦᠷ ᠦ᠋ᠨ ᠪᠠᠶᠢᠳᠠᠯ ᠢ᠋ᠶᠠᠷ ᠵᠢᠷᠦᢈᠡᠨ ᠦ᠋ ᠦᠵᠡᠯᢉᠡ ᠳ᠋ᠦ ᠒᠐᠒᠗ ᠰᠤᠷᠤᠭᠴᠢ ᠬᠠᠮᠤᠷᠤᠭᠳᠠᠭᠰᠠᠨ ᠤ᠋ ᠐᠂᠐᠕ ᠬᠤᠪᠢ ᠨᠢ ᠥᢉᠡᠷᠡᠴᠢᠯᠡᠯᠲᠡ ᠲᠡᠢ᠂ ᠨᠢᠳᠦᠨ ᠦ᠋ ᠦᠵᠡᠯᢉᠡ ᠳ᠋ᠦ ᠕᠐᠖᠑ ᠰᠤᠷᠤᠭᠴᠢ ᠬᠠᠮᠤᠷᠤᠭᠳᠠᠭᠰᠠᠨ ᠤ᠋ ᠒᠒᠂᠕ ᠬᠤᠪᠢ ᠨᠢ ᠥᢉᠡᠷᠡᠴᠢᠯᠡᠯᠲᠡ ᠲᠡᠢ᠂ ᠰᠢᠳᠦᠨ ᠦ᠋ ᠦᠵᠡᠯᢉᠡ ᠳ᠋ᠦ ᠘᠑᠕ ᠰᠤᠷᠤᠭᠴᠢ ᠬᠠᠮᠤᠷᠤᠭᠳᠠᠭᠰᠠᠨ ᠤ᠋ ᠘᠓ ᠬᠤᠪᠢ ᠨᠢ ᠡᠪᠡᠳᠴᠢᠯᠡᠯ ᠲᠡᠢ ᠪᠠᠶᠢᠭᠠ ᠨᠢ ᠢᠯᠡᠷᠡᢉᠰᠡᠨ ᠲᠤᠯᠠ ᠨᠠᠷᠢᠨ ᠮᠡᠷᢉᠡᠵᠢᠯ ᠦ᠋ᠨ ᠡᠮᠴᠢ ᠳ᠋ᠦ ᠦᠵᠡᢉᠦᠯᢈᠦ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠠᠶᠢᠭᠠ ᠶᠤᠮ᠃
ᠴᠢᠨᠠᠭᠰᠢᠳᠠ ᠰᠤᠷᠭᠠᠭᠤᠯᠢ ᠳ᠋ᠤ ᠰᠠᠭᠤᠷᠢᠯᠠᠭᠰᠠᠨ ᠡᠷᠲᠡ ᠢᠯᠡᠷᠡᢉᠦᠯᢉᠡ ᠶ᠋ᠢᠨ ᠦᠵᠡᠯᢉᠡ᠂ ᠡᠮᠴᠢᠯᠡᠨ ᠡᠷᠡᢉᠦᠯᠵᠢᢉᠦᠯᢈᠦ ᠦᠶᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠨᠠᠰᠤᠨ ᠤ᠋ ᠠᠩᢉᠢᠯᠠᠯ ᠲᠠᠢ ᠪᠠᠷ ᠦᠷᢉᠦᠯᠵᠢᠯᠡᢉᠦᠯᠵᠦ᠂ ᠵᠢᠯ ᠪᠦᠷᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠪᠠᠷ ᠲᠥᠯᠦᠪᠯᠡᠵᠦ ᠪᠤᠢ ᠪᠠᠨ ᠡᠷᠡᢉᠦᠯ ᠮᠡᠨᠳᠦ ᠶ᠋ᠢᠨ ᠰᠠᠶᠢᠳ ᠲ᠊᠂ ᠮᠥᠩᢈᠡᠰᠠᠶᠢᠬᠠᠨ ᢈᠡᠯᠡᠯᠡ᠃ ᢈᠡᠦᢈᠡᠳ ᠡᠷᠡᢉᠦᠯ ᠪᠠᠶᠢᠬᠤ ᠳ᠋ᠤ ᠪᠦᢈᠦ ᠲᠠᠯᠠ ᠶ᠋ᠢᠨ ᠣᠷᠤᠯᠴᠠᠭᠠ᠂ ᠬᠠᠷᠢᠭᠤᠴᠠᠯᠭᠠ ᠴᠢᠬᠤᠯᠠ ᠤᠴᠢᠷ ᠠ᠋ᠴᠠ ᠡᠴᠢᢉᠡ ᠡᢈᠡ᠂ ᠠᠰᠠᠷᠠᠨ ᠬᠠᠮᠠᠭᠠᠯᠠᠭᠴᠢᠳ ᠡᠨᠡ ᢈᠦ ᠪᠣᠯᠪᠠᠰᠤᠷᠠᠯ᠂ ᠡᠷᠡᢉᠦᠯ ᠮᠡᠨᠳᠦ ᠶ᠋ᠢᠨ ᠰᠠᠯᠪᠤᠷᠢ ᠶ᠋ᠢᠨ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠ ᠶ᠋ᠢ ᠳᠡᠮᠵᠢᠵᠦ᠂ ᢈᠡᠦᢈᠡᠳ ᠦ᠋ᠨ ᠢ᠋ᠶᠡᠨ ᠡᠷᠡᢉᠦᠯ ᠮᠡᠨᠳᠦ ᠶ᠋ᠢ ᠬᠠᠮᠠᠭᠠᠯᠠᠨ᠂ ᠡᠷᠡᢉᠦᠯ᠂ ᠡᠷᠳᠡᠮ ᠪᠣᠯᠪᠠᠰᠤᠷᠠᠯ ᠲᠠᠢ ᠮᠣᠩᠭᠣᠯ ᠢᠷᢉᠡᠳ ᠢ᠋ ᠲᠥᠯᠦᠪᠰᠢᢉᠦᠯᢈᠦ ᠳ᠋ᠦ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠶ᠋ᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠫᠦ᠊᠂ᠨᠠᠷᠠᠨᠪᠠᠶᠠᠷ ᠤᠷᠢᠶᠠᠯᠠᠪᠠ᠃