ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠫᠦ᠊᠂ ᠨᠠᠷᠠᠨᠪᠠᠶᠠᠷ ᠪᠦᢉᠦᠳᠡ ᠨᠠᠶᠢᠷᠠᠮᠳᠠᠬᠤ ᠬᠢᠷᢉᠢᠰ ᠤᠯᠤᠰ ᠠ᠋ᠴᠠ ᠮᠣᠩᠭᠤᠯ ᠤᠯᠤᠰ ᠲᠤ ᠰᠠᠭᠤᠭᠠ ᠣᠨᠴᠠ ᠪᠥᢉᠡᠳ ᠪᠦᠷᠢᠨ ᠡᠷᢈᠡᠲᠦ ᠡᠯᠴᠢᠨ ᠰᠠᠶᠢᠳ ᠠᠶᠢᠪᠧᠻ ᠠᠷᠲ᠋ᠢᠻᠪᠠᠢ ᠶ᠋ᠢ ᢈᠦᠯᠢᠶᠡᠨ ᠠᠪᠴᠤ ᠠᠭᠤᠯᠵᠠᠨ᠂ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠᠨ ᠤ᠋ ᠲᠠᠯᠠ ᠪᠠᠷ ᠰᠠᠨᠠᠯ ᠰᠣᠯᠢᠯᠴᠠᠪᠠ᠃
ᠬᠣᠶᠠᠷ ᠤᠯᠤᠰ ᠤ᠋ᠨ ᠲᠣᢈᠢᠷᠠᠯᠴᠠᠭᠠᠨ ᠤ᠋ ᠳᠠᠭᠠᠭᠤ ᠬᠢᠷᢉᠢᠰ ᠦ᠋ᠨ ᠬᠣᠶᠠᠷ ᠢᠷᢉᠡᠨ ᠮᠣ᠂ᠤ᠂ᠶᠡ᠂ᠰᠤ᠂ ᠶ᠋ᠢᠨ ᠮᠣᠩᠭᠣᠯ ᢈᠡᠯᠡᠨ ᠦ᠋ ᠪᠡᠯᠡᠳᢈᠡᠯ ᠳ᠋ᠦ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᠲᠡᠳᢈᠦᠯᢉᠡ ᠪᠡᠷ ᠰᠤᠷᠤᠯᠴᠠᠬᠤ ᠵᠣᢈᠢᠴᠠᠭᠤᠯᠤᠯᠲᠠ ᠶ᠋ᠢ ᢈᠢᢉᠰᠡᠨ ᠪᠥᢉᠡᠳ ᢈᠡᠯᠡᠨ ᠦ᠋ ᠪᠡᠯᠡᠳᢈᠡᠯ ᠢ᠋ᠶᠡᠨ ᠲᠡᢉᠦᠰᠦᢉᠡᠳ ᠦᠷᢉᠦᠯᠵᠢᠯᠡᢉᠦᠯᠦᠨ ᠲᠥᠷᠦ ᠶ᠋ᠢᠨ ᠥᠮᠴᠢ ᠶ᠋ᠢᠨ ᠰᠤᠷᠭᠠᠯᠲᠠ ᠶ᠋ᠢᠨ ᠪᠠᠶᠢᠭᠤᠯᠤᠯᠭᠠ ᠳ᠋ᠤ ᠰᠤᠷᠤᠯᠴᠠᠬᠤ ᠪᠣᠯᠤᠮᠵᠢ ᠲᠠᠢ᠃ ᠮᠣᠩᠭᠣᠯ ᠤ᠋ᠨ ᠲᠠᠯᠠ ᠠ᠋ᠴᠠ ᠬᠣᠶᠠᠷ ᠣᠶᠤᠲᠠᠨ ᠢ᠋ᠶᠠᠨ ᠢᠷᠡᢈᠦ ᢈᠢᠴᠢᠶᠡᠯ ᠦ᠋ᠨ ᠵᠢᠯ ᠡᠴᠡ ᠢᠯᠡᢉᠡᢈᠦ ᠪᠡᠷ ᠲᠥᠯᠦᠪᠯᠡᠵᠦ ᠪᠠᠶᠢᠭᠠ ᠪᠠ ᠲᠧᢈᠨᠢᢉ᠂ ᢈᠥᠳᠡᢉᠡ ᠠᠵᠤ ᠠᠬᠤᠢ᠂ ᠨᠢᠰᢈᠦ ᠶ᠋ᠢᠨ ᠴᠢᢉᠯᠡᠯ ᠢ᠋ᠶᠡᠷ ᠰᠤᠷᠤᠯᠴᠠᠭᠤᠯᠬᠤ ᢈᠦᠰᠡᠯ ᠲᠡᠢ ᠪᠤᠢ ᠪᠠᠨ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠫᠦ᠊᠂ ᠨᠠᠷᠠᠨᠪᠠᠶᠠᠷ ᠣᠨᠴᠠᠯᠠᠪᠠ᠃ ᠮᠣᠩᠭᠤᠯ ᠠ᠋ᠴᠠ ᠰᠠᠨᠰᠠᠷ ᠲᠤ ᠨᠢᠰᠦᢉᠰᠡᠨ ᠴᠣᠷ ᠤ᠋ᠨ ᠭᠠᠭᠴᠠ ᠨᠢᠰᢈᠡᢉᠴᠢ᠂ ᠬᠣᠰᠢᠭᠤᠴᠢ ᢉᠧᠨᠧᠷᠠᠯ ᠵ᠊᠂ ᢉᠦᠷᠦᠷᠠᠭᠴᠠ ᠪᠠᠨ ᠨᠢᠰᢈᠦ ᠣᠩᠭᠤᠴᠠᠨ ᠤ᠋ ᠷᠠᠳᠢᠤ᠊ ᠡᠯᠧᠻᠲ᠋ᠷᠤᠨ ᠲᠥᢈᠦᢉᠡᠷᠦᠮᠵᠢ ᠶ᠋ᠢᠨ ᠮᠧᢈᠠᠨᠢᢉᠴᠢ ᠮᠡᠷᢉᠡᠵᠢᠯ ᠡᠵᠡᠮᠰᠢᢉᠰᠡᠨ ᠵᠥ᠊᠂ ᠬᠤ᠊᠂ ᠤ᠊᠂ ᠤᠨ ᠹᠷᠦ᠋ᠨ᠋ᠽᠧ ᠬᠣᠲᠠ ᠶ᠋ᠢᠨ ᠨᠢᠰᢈᠦ ᠶ᠋ᠢᠨ ᠳᠠᠮᠵᠢᠶᠠ ᠨᠢ ᠥᠨᠦ ᠶ᠋ᠢᠨ ᢈᠢᠷᢉᠢᠰ ᠦ᠋ᠨ ᠵᠡᠪᠰᠡᢉᠲᠦ ᢈᠦᠴᠦᠨ ᠦ᠋ ᠴᠡᠷᠢᢉ ᠦ᠋ᠨ ᠳᠡᢉᠡᠳᠦ ᠰᠤᠷᠭᠠᠭᠤᠯᠢ ᠠᠵᠢ᠃
ᠪᠦᢉᠦᠳᠡ ᠨᠠᠶᠢᠷᠠᠮᠳᠠᠬᠤ ᠬᠢᠷᢉᠢᠰ ᠤᠯᠤᠰ ᠨᠢ ᠥᠩᢉᠡᠷᠡᢉᠰᠡᠨ ᠣᠨ ᠳ᠋ᠤ ᠮᠣᠩᠭᠣᠯ ᠤᠯᠤᠰ ᠲᠤ ᠡᠯᠴᠢᠨ ᠰᠠᠶᠢᠳ ᠤ᠋ᠨ ᠶᠠᠮᠤᠨ ᠢᠢᠠᠨ ᠨᠡᢉᠡᢉᠡᢉᠰᠡᠨ ᠪᠥᢉᠡᠳ ᠠᠶᠢᠪᠧᠻ ᠠᠷᠲ᠋ᠢᠻᠪᠠᠢ ᠨᠢ ᠲᠤᠰ ᠤᠯᠤᠰ ᠠ᠋ᠴᠠ ᠮᠣᠩᠭᠣᠯ ᠤᠯᠤᠰ ᠲᠤ ᠰᠠᠭᠤᠭᠠ ᠠᠩᠬᠠᠨ ᠤ᠋ ᠡᠯᠴᠢᠨ ᠰᠠᠶᠢᠳ ᠶᠤᠮ᠃ ᠲᠡᠷᠡ ᠪᠡᠷ ᠬᠣᠶᠠᠷ ᠤᠯᠤᠰ ᠤ᠋ᠨ ᠳᠡᢉᠡᠳᠦ ᠲᠦᠪᠰᠢᠨ ᠦ᠋ ᠶᠠᠷᠢᠶᠠ ᢈᠡᠯᠡᠯᠴᠡᢉᠡᠷ ᠦ᠋ᠨ ᢈᠦᠷᠢᠶᠡᠨ ᠳ᠋ᠦ ᢈᠢᠷᢉᠢᠰ ᠦ᠋ᠨ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᠰᠠᠩᢈᠦᠵᠢᠯᠲᠡ ᠪᠡᠷ ᠮᠣᠩᠭᠣᠯ ᠤᠯᠤᠰ ᠲᠤ ᠬᠠᠮᠲᠤᠷᠠᠭᠰᠠᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠬᠤ ᢈᠦᠰᠡᠯᠲᠡ ᠢᠯᠡᠷᢈᠡᠶᠢᠯᠡᠯᠡ᠃ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠫᠦ᠊᠂ ᠨᠠᠷᠠᠨᠪᠠᠶᠠᠷ ᠤᠭ ᠰᠠᠨᠠᠯ ᠢ᠋ ᠳᠡᠮᠵᠢᠵᠦ᠂ ᠬᠠᠮᠲᠤᠷᠠᠨ ᠠᠵᠢᠯᠯᠠᠨᠠ ᢈᠡᠮᠡᠪᠡ᠃
