ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠫᠦ᠊᠂ ᠨᠠᠷᠠᠨᠪᠠᠶᠠᠷ ᢈᠥᠪᠰᠦᢉᠦᠯ ᠠᠶᠢᠮᠠᠭ ᠤ᠋ᠨ ᠴᠢᠨᠳᠠᠮᠠᠨᠢ ᠥᠨᠳᠦᠷ ᠰᠤᠮᠤ ᠶ᠋ᠢᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠵᠠᢈᠢᠷᠤᠯ ᠠ᠊᠂ ᠣᠳᠬᠠᠨᠪᠠᠶᠠᠷ ᠪᠣᠯᠤᠨ ᠪᠤᠰᠤᠳ ᠲᠥᠯᠦᢉᠡᠯᠡᠯ ᠢ᠋ ᢈᠦᠯᠢᠶᠡᠨ ᠠᠪᠴᠤ ᠠᠭᠤᠯᠵᠠᠯᠠ᠃ ᠲᠤᠰ ᠰᠤᠷᠭᠠᠭᠤᠯᠢ ᠑᠙᠔᠐ ᠣᠨ ᠳ᠋ᠤ ᠡᢉᠦᠰᠦᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠪᠥᢉᠡᠳ ᠣᠳᠤ ᠪᠠᠷ ᠖᠔᠐ ᢈᠡᠦᢈᠡᠳ᠂ ᠓᠕ ᠪᠠᠭᠰᠢ ᠲᠠᠢ ᠪᠠᠷ ᠦᠶᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠵᠤ ᠪᠠᠶᠢᠨᠠ᠃
ᠴᠢᠨᠳᠠᠮᠠᠨᠢ ᠥᠨᠳᠦᠷ ᠰᠤᠮᠤ ᠶ᠋ᠢᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠠᠷᠢᠯᠭᠠ ᠒᠐᠑᠔ ᠣᠨ ᠳ᠋ᠤ ᠠᠰᠢᠭᠯᠠᠯᠲᠠ ᠶ᠋ᠢᠨ ᠱᠠᠭᠠᠷᠳᠠᠯᠭᠠ ᠬᠠᠩᠭᠠᠬᠤ ᠦᢉᠡᠢ ᠪᠣᠯᠵᠤ᠂ ᠠᠻᠲ᠋ᠯᠠᠭᠳᠠᠭᠰᠠᠨ᠃ ᠰᠢᠨᠡ ᠪᠠᠷᠢᠯᠭᠠ ᠶ᠋ᠢᠨ ᠠᠵᠢᠯ ᠒᠐᠑᠘ ᠣᠨ ᠳ᠋ᠤ ᠡᢈᠢᠯᠡᠵᠦ᠂ ᢉᠡᠷᠡ ᠶ᠋ᠢᠨ ᠳᠠᠭᠠᠭᠤ ᠡᠨᠡ ᠣᠨ ᠤ᠋ ᠨᠠᠢᠮᠠᠳᠤᠭᠠᠷ ᠰᠠᠷᠠ ᠳ᠋ᠤ ᠠᠰᠢᠭᠯᠠᠯᠲᠠ ᠳ᠋ᠤ ᠣᠷᠤᠬᠤ ᠪᠠᠶᠢᠭᠰᠠᠨ ᠪᠣᠯᠪᠠᠴᠤ ᢉᠦᠶᠢᠴᠡᠳᢈᠡᢉᠴᠢ ᠻᠣᠮᠫᠠᠨᠢ ᠴᠠᠯᠢᠩ ᠤ᠋ᠨ ᠵᠥᠷᠢᢉᠦᠦ ᠶ᠋ᠢ ᠲᠣᠭᠠᠴᠠᠭᠤᠯᠤᠨᠠ ᢉᠡᠰᠡᠨ ᠰᠢᠯᠲᠠᠭᠠᠨ ᠢ᠋ᠶᠠᠷ ᠥᠨᠦ ᠶ᠋ᠢ ᢈᠦᠷᠲᠡᠯᠡ ᠠᠵᠢᠯ ᠢ᠋ᠶᠠᠨ ᠳᠠᠭᠤᠰᠬᠠᠭᠠ ᠦᢉᠡᠢ ᠪᠠᠶᠢᠭᠠ ᠶᠤᠮ᠃
ᠡᠨᠡ ᠣᠨ ᠳ᠋ᠤ ᠪᠠᠭᠲᠠᠭᠠᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠰᠢᠨᠡ ᠪᠠᠷᠢᠯᠭᠠ ᠶ᠋ᠢ ᠠᠰᠢᠭᠯᠠᠯᠲᠠ ᠳ᠋ᠤ ᠣᠷᠤᠭᠤᠯᠬᠤ ᠦᢉᠡᠢ ᠪᠣᠯ ᠒᠐᠒᠔ ᠣᠨ ᠤ᠋ ᠲᠥᠰᠦᠪ ᠲᠦ ᠲᠤᠰᠬᠠᠭᠳᠠᠭᠰᠠᠨ ᠦᠯᠡᠳᠡᢉᠳᠡᠯ ᠰᠠᠩᢈᠦᠵᠢᠯᠲᠡ ᠲᠠᠲᠠᠭᠳᠠᠬᠤ ᠳ᠋ᠤ ᢈᠦᠷᢈᠦ ᠲᠤᠯᠠ ᢉᠦᠶᠢᠴᠡᠳᢈᠡᢉᠴᠢ ᠻᠣᠮᠫᠠᠨᠢ ᠲᠠᠢ ᠶᠠᠷᠢᠯᠴᠠᠵᠤ᠂ ᠰᠢᠬᠠᠵᠤ ᠠᠵᠢᠯᠯᠠᠨᠠ ᢉᠡᠳᠡᢉ ᠢ᠋ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠫᠦ᠊᠂ ᠨᠠᠷᠠᠨᠪᠠᠶᠠᠷ ᠣᠨᠴᠠᠯᠠᠵᠤ᠂ ᠪᠠᠭᠰᠢ᠂ ᠠᠵᠢᠯᠲᠠᠨ᠂ ᢈᠡᠦᢈᠡᠳ ᠦ᠋ᠳ ᠦ᠋ᠨ ᠡᠷᢈᠡ ᠠᠰᠢᠭ ᠵᠥᠷᠢᠴᠡᢉᠳᠡᢈᠦ ᠤᠴᠢᠷ ᠦᢉᠡᠢ ᢈᠡᠮᠡᠪᠡ᠃
