ᠡᠨᠡ ᢈᠢᠴᠢᠶᠡᠯ ᠦ᠋ᠨ ᠵᠢᠯ ᠦ᠋ᠨ I ᠤᠯᠠᠷᠢᠯ ᠤ᠋ᠨ ᠪᠡᠶᠡ ᠳᠠᠭᠠᠭᠠᠯᠲᠠ ᠶ᠋ᠢᠨ ᠳᠣᠯᠤᠭᠠ ᠬᠣᠨᠤᠭ ᠲᠤ ᠨᠡᠶᠢᠰᠯᠡᠯ ᠳ᠋ᠡᢈᠢ ᠑ ᠳ᠋ᠤᠭᠡᠷ ᠠᠩᢉᠢ ᠶ᠋ᠢᠨ ᠰᠤᠷᠤᠭᠴᠢᠳ ᠢ᠋ ᠨᠢᠳᠦ᠂ ᠰᠢᠳᠦ᠂ ᠵᠢᠷᠦᢈᠡ ᠰᠤᠳᠠᠰᠤᠨ ᠤ᠋ ᠦᠵᠡᠯᢉᠡ ᠳ᠋ᠦ ᠬᠠᠮᠤᠷᠤᠭᠤᠯᠤᠨᠠ᠃ ᠡᠨᠡ ᢈᠦᠷᠢᠶᠡᠨ ᠳ᠋ᠦ ᠪᠠᠶᠠᠨᠵᠢᠷᠦᢈᠡ᠂ ᠬᠠᠨ ᠆ ᠠᠭᠤᠯᠠ ᠳᠡᢉᠦᠷᢉᠡ ᠳ᠋ᠡᢈᠢ ᠲᠥᠷᠦ ᠶ᠋ᠢᠨ ᠪᠣᠯᠤᠨ ᠲᠥᠷᠦ ᠶ᠋ᠢᠨ ᠪᠤᠰᠤ ᠥᠮᠴᠢ ᠶ᠋ᠢᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠕᠐ ᠰᠤᠷᠭᠠᠭᠤᠯᠢ ᠳ᠋ᠤ ᠬᠣᠯᠠ ᠶ᠋ᠢᠨ᠂ ᠣᠶᠢᠷᠠ ᠶ᠋ᠢᠨ᠂ ᠰᠲ᠋ᠧᠷᠧᠦ᠊ ᠬᠠᠷᠠᠭᠠ ᠰᠢᠯᠭᠠᠬᠤ ᠪᠠᠭᠴᠠ ᠶ᠋ᠢ ᢈᠦᠯᠢᠶᠡᠯᢉᠡᠨ ᠥᢉᠪᠡ᠃ ᠮᠥᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠤᠳᠤᠷᠢᠳᠤᠯᠭᠠ᠂ ᠡᠮᠴᠢ ᠨᠠᠷ ᠲᠤ ᠬᠠᠷᠠᠭᠠ ᠰᠢᠯᠭᠠᠬᠤ ᠦᠵᠡᠯᢉᠡ ᠶ᠋ᠢᠨ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠪᠣᠯᠤᠨ ᠦᠵᠡᠯᢉᠡ ᠶ᠋ᠢᠨ ᠪᠦᠷᠢᠳᢈᠡᠯ ᠢ᠋ eruulhuuhed.mn ᠸᠧᠪ ᠳᠦ ᠰᠠᠭᠤᠷᠢᠯᠠᠭᠰᠠᠨ ᠴᠠᢈᠢᠮ ᠫᠷᠣᢉᠷᠠᠮᠮ ᠳ᠋ᠤ ᠣᠷᠤᠭᠤᠯᠬᠤ ᠲᠠᠯ ᠠ ᠪᠠᠷ ᠮᠡᠳᠡᢉᠡᠯᠡᠯ ᠥᢉᠴᠦ᠂ ᠦᠵᠡᠯᢉᠡ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠡᠮᠴᠢ ᠲᠤᠷᠰᠢᠯᠭᠠ ᠪᠠᠨ ᠬᠤᠪᠢᠶᠠᠯᠴᠠᠯᠠ᠃
ᠣᠳᠤ ᠶ᠋ᠢᠨ ᠪᠠᠶᠢᠳᠠᠯ ᠢ᠋ᠶᠠᠷ ᠨᠡᠶᠢᠰᠯᠡᠯ ᠦ᠋ᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠒᠑᠂ ᠑᠔᠂ ᠑᠖᠓᠂ ᠗᠕ ᠳ᠋ᠤᠭᠠᠷ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠨᠢᠳᠦᠨ ᠦ᠋ ᠦᠵᠡᠯᢉᠡ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠡᢈᠢᠯᠡᢉᠰᠡᠨ ᠪᠠ ᠬᠠᠷᠠᠭᠠᠨ ᠤ᠋ ᠦᠵᠡᠯᢉᠡ ᠶ᠋ᠢᠨ ᠪᠠᠭᠴᠠ ᢈᠦᠯᠢᠶᠡᠨ ᠠᠪᠤᠭᠰᠠᠨ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠲᠤ ᠡᠷᠡᢉᠦᠯ ᠮᠡᠨᠳᠦ ᠶ᠋ᠢᠨ ᠶᠠᠮᠤᠨ᠂ 《ᠣᠷᠪᠢᠰ ᠢᠨ᠋ᠲ᠋ᠧᠷᠨᠧᠶᠢᠱᠨ᠋ᠯ》 ᠣᠯᠠᠨ ᠤᠯᠤᠰ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠪᠡᠯᠡᠳᢈᠡᢉᠰᠡᠨ ᠮᠡᠷᢉᠡᠵᠢᠯ ᠦ᠋ᠨ ᠨᠢᠳᠦᠨ ᠦ᠋ ᠡᠮᠴᠢ ᠨᠠᠷ ᠠᠵᠢᠯᠯᠠᠵᠤ᠂ ᠢᠯᠡᠷᠡᢉᠦᠯᢉᠡ᠂ ᠦᠵᠡᠯᢉᠡ ᠶ᠋ᠢ ᠴᠢᢉᠯᠡᢉᠦᠯᢈᠦ ᠶᠤᠮ᠃
ᠣᠷᠤᠨ ᠨᠤᠲᠤᠭ ᠲᠤ II ᠤᠯᠠᠷᠢᠯ ᠤ᠋ᠨ ᠪᠡᠶᠡ ᠳᠠᠭᠠᠭᠠᠯᠲᠠ ᠶ᠋ᠢᠨ ᠳᠣᠯᠤᠭᠠ ᠬᠣᠨᠤᠭ ᠲᠤ ᠤᠭ ᠦᠵᠡᠯᢉᠡ᠂ ᠡᠷᠲᠡ ᠢᠯᠡᠷᠡᢉᠦᠯᢉᠡ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠨᠠ᠃
