ᠶᠠᠫᠤᠨ ᠤᠯᠤᠰ ᠤ᠋ᠨ ᠪᠤᠴᠠᠯᠲᠠ ᠦᢉᠡᠢ ᠲᠤᠰᠠᠯᠠᠮᠵᠢ ᠪᠠᠷ ᠠ᠊᠂ ᠰᠢ᠊᠂ ᠤ᠊᠂ ᠦ᠊᠂ ᠶᠡ᠊᠂ ᠰᠤ᠊᠂ ᠶ᠋ᠢᠨ ᠮᠣᠩᠭᠣᠯ ᠶᠠᠫᠤᠨ ᠤ᠋ ᠡᠮᠨᠡᠯᢉᠡ ᠳ᠋ᠦ ᠥᠨᠳᠦᠷ ᢈᠦᠴᠦᠨ ᠴᠢᠳᠠᠯ ᠪᠦᢈᠦᠢ᠂ ᠣᠷᠴᠢᠨ ᠦᠶᠡ ᠶ᠋ᠢᠨ ᠣᠨᠤᠰᠢᠯᠠᠭᠠ᠂ ᠡᠮᠴᠢᠯᠡᢉᠡᠨ ᠦ᠋ ᠲᠣᠨᠤᠭ ᠲᠥᢈᠦᢉᠡᠷᠦᠮᠵᠢ ᠨᠦ᠋ᢉᠦᠳ ᠢ᠋ ᠨᠡᠶᠢᠯᠡᢉᠦᠯᢈᠦ ᠦᠢᠯᠡ ᠠᠵᠢᠯᠯᠠᠭᠠ ᠪᠣᠯᠵᠤ᠂ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠫᠦ᠊᠂ ᠨᠠᠷᠠᠨᠪᠠᠶᠠᠷ ᠡᠷᠡᢉᠦᠯ ᠮᠡᠨᠳᠦ ᠶ᠋ᠢᠨ ᠪᠣᠯᠪᠠᠰᠤᠷᠠᠯ ᠬᠠᠷᠢᠭᠤᠴᠠᠭᠰᠠᠨ ᠵᠥᠪᠯᠡᢈᠦ ᠣ᠊᠂ ᠴᠡᠴᠡᢉᠪᠠᠯ ᠤ᠋ᠨ ᠬᠠᠮᠲᠤ ᠣᠷᠤᠯᠴᠠᠯᠠ᠃
ᠮᠣᠩᠭᠣᠯ᠂ ᠶᠠᠫᠤᠨ ᠤ᠋ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᢈᠡᠯᠡᠯᠴᠡᢉᠡᠷ ᠢ᠋ᠶᠡᠷ ᢈᠡᠷᠡᢉᠵᠢᠵᠦ ᠪᠤᠢ《ᠮᠣᠩᠭᠤᠯ ᠤ᠋ᠨ ᠡᠳ᠋ ᠦ᠋ᠨ ᠵᠠᠰᠠᠭ ᠪᠣᠯᠤᠨ ᠨᠡᠶᠢᢉᠡᠮ ᠦ᠋ᠨ ᢈᠥᢉᠵᠢᠯ ᠦ᠋ᠨ ᢈᠥᠲᠦᠯᠪᠦᠷᠢ》 ᠶ᠋ᠢᠨ ᢈᠦᠷᠢᠶᠡᠨ ᠳ᠋ᠦ ᠲᠤᠭᠤᠯᠬᠤ ᠴᠢᠳᠠᠪᠤᠷᠢ ᠥᠨᠳᠦᠷ᠂ ᠠᠯᠤᠰ ᠤ᠋ᠨ ᠲᠦᠷᢉᠡᠨ ᠲᠤᠰᠠᠯᠠᠮᠵᠢ ᠶ᠋ᠢᠨ ᠮᠠᠱᠢᠨ᠋᠂ MRI ᠣᠷᠴᠢᠨ ᠳ᠋ᠤ ᠠᠵᠢᠯᠯᠠᠬᠤ ᠪᠣᠯᠤᠮᠵᠢ ᠲᠠᠢ ᠤᠨᠲᠠᠭᠤᠯᠭᠠ ᠶ᠋ᠢᠨ ᠠᠫᠫᠠᠷᠠᠲ᠂ 3D ᠴᠡᢉᠡᠵᠢᠨ ᠦ᠋ ᢈᠥᠨᠳᠡᠢ ᠶ᠋ᠢᠨ ᠮᠡᠰᠡ ᠵᠠᠰᠠᠯ ᠤ᠋ᠨ ᠲᠣᠨᠤᠭ ᠲᠥᢈᠦᢉᠡᠷᠦᠮᠵᠢ ᠵᠡᠷᢉᠡ ᠶ᠋ᠢ ᠶᠠᠫᠤᠨ ᠤᠯᠤᠰ ᠠ᠋ᠴᠠ ᠠ᠊᠂ ᠰᠢ᠊᠂ ᠤ᠊᠂ ᠦ᠊᠂ ᠶᠡ᠊᠂ ᠰᠤ᠊᠂ ᠶ᠋ᠢᠨ ᠮᠣᠩᠭᠣᠯ ᠶᠠᠫᠤᠨ ᠤ᠋ ᠡᠮᠨᠡᠯᢉᠡ ᠳ᠋ᠦ ᠨᠡᠶᠢᠯᠡᢉᠦᠯᠵᠦ ᠪᠠᠶᠢᠨᠠ᠃ ᠢᠩᢉᠢᢉᠰᠡᠨ ᠢ᠋ᠶᠡᠷ ᠡᠮᠨᠡᠯᢉᠡ ᠶ᠋ᠢᠨ ᠦᠢᠯᠡᠴᠢᠯᠡᢉᠦᠯᠦᢉᠴᠢᠳ ᠲᠦ ᠳᠡᠪᠰᠢᠯᠲᠡᠲᠦ ᠲᠣᠨᠤᠭ ᠲᠥᢈᠦᢉᠡᠷᠦᠮᠵᠢ ᠪᠡᠷ ᠲᠤᠰᠠᠯᠠᠮᠵᠢ᠂ ᠦᠶᠢᠯᠡᠴᠢᠯᠡᢉᠡ ᠦᠵᠡᢉᠦᠯᢈᠦ ᠡᠴᠡ ᠭᠠᠳᠠᠨᠠ ᠠ᠊᠂ ᠰᠢ᠊᠂ ᠤ᠊᠂ ᠦ᠊᠂ ᠶᠡ᠊᠂ ᠰᠤ᠊᠂ ᠶ᠋ᠢᠨ ᠣᠶᠤᠲᠠᠨ ᠨᠤᠭᠤᠳ ᠲᠡᠳᠡᢉᠡᠷ ᠥᠨᠳᠦᠷ ᢈᠦᠴᠦᠨ ᠴᠢᠳᠠᠯ ᠲᠠᠢ ᠲᠥᢈᠦᢉᠡᠷᠦᠮᠵᠢ ᠳᠡᢉᠡᠷᠡ ᠳᠠᠳᠤᠯᠭᠠᠵᠢᠬᠤ᠂ ᠡᢉᠦᠨ ᠢ᠋ ᠳᠠᠭᠠᠨ ᠰᠤᠷᠭᠠᠯᠲᠠ ᠶ᠋ᠢᠨ ᠣᠷᠴᠢᠨ᠂ ᠴᠢᠨᠠᠷ ᠢᠯᠡᢉᠦᠦ ᠰᠠᠶᠢᠵᠢᠷᠠᠬᠤ ᠠᠴᠢ ᠬᠣᠯᠪᠤᠭᠳᠠᠯ ᠲᠠᠢ ᠶ᠋ᠢ ᠠ᠊᠂ ᠰᠢ᠊᠂ ᠤ᠊᠂ ᠦ᠊᠂ ᠶᠡ᠊᠂ ᠰᠤ᠊᠂ ᠶ᠋ᠢᠨ ᠷᠧᠻᠲ᠋ᠤᠷ ᠪ᠊᠂ ᠳᠠᠮᠳᠢᠨᠳᠣᠷᠵᠢ ᠣᠨᠴᠠᠯᠠᠯᠠ᠃
ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠠᠶᠢᠳ ᠫᠦ᠊᠂ ᠨᠠᠷᠠᠨᠪᠠᠶᠠᠷ ᠠ᠊᠂ ᠰᠢ᠊᠂ ᠤ᠊᠂ ᠦ᠊᠂ ᠶᠡ᠊᠂ ᠰᠤ᠊᠂ ᠶ᠋ᠢᠨ ᠮᠣᠩᠭᠣᠯ ᠶᠠᠫᠣᠨ ᠤ᠋ ᠡᠮᠨᠡᠯᢉᠡ ᠨᠢ ᠣᠯᠠᠨ ᠤᠯᠤᠰ ᠲᠤ ᢈᠦᠯᠢᠶᠡᠨ ᠵᠥᠪᠰᠢᠶᠡᠷᠡᢉᠳᠡᢉᠰᠡᠨ ᠰᠢᠨᠡ ᠲᠧᠻᠨᠣᠯᠣᢉᠢ᠂ ᠰᠲ᠋ᠠᠨ᠋ᠳᠠᠷᠲ ᠢ᠋ ᠡᢈᠡ ᠣᠷᠤᠨ ᠳ᠋ᠤ ᠪᠠᠨ ᠨᠤᠲᠤᠭᠰᠢᠭᠤᠯᠵᠤ᠂ ᠣᠨᠤᠰᠢᠯᠠᠭᠠ᠂ ᠡᠮᠴᠢᠯᠡᢉᠡ᠂ ᠡᠷᠡᢉᠦᠯ ᠮᠡᠨᠳᠦ ᠶ᠋ᠢᠨ ᠲᠤᠰᠠᠯᠠᠮᠵᠢ᠂ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠪᠣᠯᠪᠠᠰᠤᠷᠠᠯ᠂ ᠡᠷᠡᢉᠦᠯ ᠮᠡᠨᠳᠦ ᠶ᠋ᠢᠨ ᠰᠠᠯᠪᠤᠷᠢ ᠶ᠋ᠢᠨ ᠡᠷᠳᠡᠮ ᠰᠢᠨᠵᠢᠯᠡᢉᠡ᠂ ᠰᠤᠳᠤᠯᠭᠠ᠂ ᠰᠤᠷᠭᠠᠯᠲᠠ ᠶ᠋ᠢᠨ ᠪᠣᠳᠤᠯᠭᠠ ᠲᠠᠢ ᠬᠣᠣᠰᠯᠠᠭᠤᠯᠤᠨ ᢈᠥᢉᠵᠢᢉᠦᠯᠵᠦ ᠪᠠᠶᠢᠭᠠᠳ ᠲᠠᠯᠠᠷᠬᠠᠯ ᠢᠯᠡᠷᢈᠡᠶᠢᠯᠡᠪᠡ᠃